Jemqorlyqpen kúres jaıy talqylandy

Otyrysty ashqan Gúlshara Ábdi­qa­lyqova óz sózinde Elbasy Nursultan Nazarbaevtyń 7 qarashada ótken Qaýip­sizdik keńesiniń otyrysynda sybaılas jem­­­qorlyqqa qarsy belsendi kúres jalǵasa beretinin, halyq qarajattyń qaı­da jáne qandaı maqsatqa jumsalǵanyn bilýge tıis ekenin aıtqanyn eske saldy.

Komıssııa otyrysynda halyqty ju­mys­pen qamtý salasyndaǵy zańdylyqty saqtaýǵa, sondaı-aq «Nurly jol» ınfra­qurylymdyq damý memlekettik baǵdar­lamasyn júzege asyrýǵa bólingen qa­rajatty paıdalaný tıimdiligine qatysty qabyldanyp jatqan sharalar talqylandy.

Sonymen qatar Bas prokýratýranyń, Memlekettik qyzmet isteri jáne sybaılas jemqorlyqqa qarsy is-qımyl agenttiginiń, Investısııalar jáne damý, Eńbek jáne halyqty áleýmettik qorǵaý mınıstrlikteri basshylarynyń baıandamalary tyńdaldy. 

Jalpy, halyqty jumyspen qam­ta­masyz etý máselesi – memlekettiń áleý­mettik saıasatynyń negizi. Bul baǵyt­ty qoldaý boıynsha qabyldanǵan keshen­di baǵdarlamalar eńbek naryǵynda turaq­tylyqtyń saqtalýyna jáne daǵdarys kezeń­deriniń keleńsiz saldarlaryn jumsar­týǵa septigin tıgizedi. 

Búginde joǵaryda atalǵan baǵdar­la­malardy qarjylandyrýǵa aıtar­lyq­taı memleket qarajaty bólinýde. Sonymen birge 2016 jyldan beri antı­kor­rýp­sııa­lyq qyzmet 194 qylmysty tirkep, 32 adam sottalǵan. Zań buzý jaıttary negizi­nen jumysqa turý faktileriniń jalǵan­dyǵymen, bıýdjet qarajaty men alynǵan shaǵyn nesıelerdi basqa maq­sattarǵa paıdalanýmen baılanysty bolyp otyr. 

G.Ábdiqalyqova osy oraıda sybaılas jemqorlyq qaterlerin azaıtatyn tıimdi tetikterdi engizý qajettigin aıtty. 

Sondaı-aq quqyq qorǵaý jáne ba­qy­laý organdary ókilderi komıssııany qar­jylandyrylýy 3 trln teńgeden as­­­qan «Nurly jol» ınfraqurylymdyq damý memlekettik baǵdarlamasyn iske asy­­rýǵa baılanysty kóptegen zań buzý­shy­lyqtar jóninen habardar etti. Máselen, baǵdarlama júzege asyryla bastalǵaly beri 120 sotqa deıingi tergeý qolǵa alynyp, 48 adam sottalǵan. Memlekettik aý­dıt organdary jalpy quny 48 mlrd teń­ge bolatyn zań buzý jaıttaryn tirke­gen. 

Memlekettik hatshy sybaılas jem­qor­lyqty azaıtý úshin jergilikti jerlerde árbir ınvestısııalyq jobanyń júze­ge asyrylýyn qamtamasyz etý, elek­trondy resýrstar múmkindikterin keńi­nen qoldaný mańyzdy ekenin atap ótti. 

Talqylaý qorytyndysy boıynsha komıssııa ókiletti memlekettik organ­darǵa anyqtalǵan zań buzý jaıttaryn joıý baǵytynda naqty sharalar qabyldaý jóninde tapsyrma berdi.

Serik ÁBDIBEK,

«Egemen Qazaqstan»