Apta basynda qazaqstandyq BAQ ókilderi boksshy Ádilbek Nııazymbetovtiń bylǵary qolǵabyn shegege ilgeni týraly jarysa jazdy.
Bul aqparatty eń birinshi bolyp elge jetkizgen «Egemen Qazaqstan» edi. Sonymen qatar 91 kıloda Azııa oıyndarynyń jeńimpazy atanǵan Anton Pınchýk ta sporttyq ǵumyryn aıaqtaǵanyn aıtty.
Qazaq fýtbolynyń qazirgi ýaqyttaǵy úzdik shabýylshysy (167 gol), ańyzǵa aınalǵan fýtbolshysy Nurbol Jumasqalıev («Tobyl») pen fýtbol álemine keńinen tanymal bolǵan reseılik Andreı Arshavın de («Qaırat») karerasyn aıaqtady. Sondaı-aq qazaqstandyq dzıýdoshylar Maksım Rakov pen Azamat Muqanov ta tatamımen qoshtasatyndaryn málimdedi. Rakovtyń sporttyq ǵumyryndaǵy eń úzdik nátıjesi álem jáne Azııa chempıony atanǵany bolsa, Muqanov úshin álem chempıonatynyń kúmis júldesi eń úzdik kórsetkish sanalady. Sonymen qatar Azamat 2010 jyly sambo sportynan álem chempıony atanǵan.
Álı BITО́RE,
«Egemen Qazaqstan»