Qazaqstan qor bırjasy Ulttyq Banki Qazaqstan qarjygerleri assosıasııasymen birlese otyryp, VIII Qarjygerler Kongressiniń aıasynda "Ekonomıkanyń turaqty damýyndaǵy qor bırjalarynyń atqaratyn róli" taqyrybynda qazaqstandyq bırjalyq forým ótkizdi.
Birneshe sessııaǵa bólingen forýmda 30-dan asa tanymal spıker qor naryǵynyń ıntegrasııalyq úderisterimen, sonyń ishinde EAEO sheginde, naryq landshaftynyń jáne sıfrlyq tehnologııalardy engizý jaǵdaıynda qarjylyq qyzmetterdiń ózgerýine qatysty saraptamalyq pikirlerin ortaǵa saldy. Forýmǵa qatysýshylar qor naryǵy arqyly ekonomıkany qarjylandyrý, bırjalyq ınfraqurylymdy damytý jáne bırjalyq quraldardy jyljytý taqyryptaryn talqylady.
Mańyzdy sharaǵa Dúnıejúzilik bırjalar federasııasynyń prezıdenti (WFE) Nandını Sýkýmar, Maskat qor bırjasynyń (Muscat Securities Markets) bas dırektory Ahmed Bın Saleh Al Marhýn, Eýrazııalyq bırjalar federasııasynyń bas hatshysy Konstantın Saroıan, (FEAS), "Moskovskaıa bırja" KAQ (MOEX) basqarmasynyń tóraǵasy Aleksandr Afanasev, LC2 Markets EBRD (Ýkraına) dırektory Andre Kýýsvek, Clearstream vıse-prezıdenti Iаn Vıllems, Grýzııa qor bırjasynyń prezıdenti Georgıı Paresıshvılı, Eýrazııalyq ekonomıkalyq komıssııasynyń Qarjylyq saıasat departamentiniń dırektory Arman Hachatrıan syndy sheteldik sarapshylar qatysty.
Forým aıasynda Qazaqstan qor bırjasy Baký qor bırjasymen ózara yntymaqtastyq týraly Memorandýmǵa qol qoıdy. Mámilege sáıkes BQB men KASE jumys tıimdiligi men básekege qabilettilikti arttyrý maqsatynda birlesip jumys jasaıdy.
Forým Qazaqstan qor bırjasynyń 25 jyldyq qyzmetimen qorytyndylanyp, qazaqstandyq qor bırjasynyń eń úzdik ókilderin, bırja múshelerin, lıstıngilik kompanııalardy jáne BAQ ókilderin saltanatty túrde marapattaý rásimimen aıaqtaldy.
Aınash ESALI,
«Egemen Qazaqstan»
ALMATY