Dúbir

Jýyrda Sport jáne de­ne­shynyqtyrý isteri agent­­­tigi eli­miz­den sport­­­­tyń 15 túrinen Olımpıada joldamasyn ıelengen otandas­tary­myz­dyń esimderin jarııalady.

Munda London Olımpıa­da­sy­­­nyń eń kóp lısenzııasyn alǵan sportshylarymyz – sý dobynan erler quramasy bolyp otyr. Ko­mandanyń barlyq oıynshylaryn sanaǵanda olar­dyń enshisinde 13 joldama bar. Jaqynda Japo­nııa­­­nyń Chıba qalasynda ótken Azııa chempıonatynda Sergeı Drozdov jat­tyqtyratyn bizdiń erler qu­­ra­masy birinshi oryn alyp, London Olımpıadasyna beriletin jalqy joldamany ıelendi. 

JOLDAMA JOLDA JATPAIDY

Jýyrda Sport jáne de­ne­shynyqtyrý isteri agent­­­tigi eli­miz­den sport­­­­tyń 15 túrinen Olımpıada joldamasyn ıelengen otandas­tary­myz­dyń esimderin jarııalady.

Munda London Olımpıa­da­sy­­­nyń eń kóp lısenzııasyn alǵan sportshylarymyz – sý dobynan erler quramasy bolyp otyr. Ko­mandanyń barlyq oıynshylaryn sanaǵanda olar­dyń enshisinde 13 joldama bar. Jaqynda Japo­nııa­­­nyń Chıba qalasynda ótken Azııa chempıonatynda Sergeı Drozdov jat­tyqtyratyn bizdiń erler qu­­ra­masy birinshi oryn alyp, London Olımpıadasyna beriletin jalqy joldamany ıelendi. Bul básekede bizdiń jigittermen birge qyzda­ry­myz da baq synasyp, Tumandy Albıonnyń bı­letteri úshin talasyp kórgen edi. Alaıda, qyzda­rymyzdan góri jigitterimizdiń joly boldy. Olar jarysta aýyzymen qus tistegen Qytaıdy – 8:1, Ký­veıtti – 10:5, Japonııany 6:4 ese­bimen jeńip, basty qarsy­las­ta­rynan jolyn tazartyp aldy. Osylaısha barlyq kez­desýlerin jeńis­pen aıaqtaǵan Qazaqstan quramasy London Olımpıadasynyń joldamasyn ıe­len­di. Bul synda ulttyq qurama qatary Re­seıdiń tájirıbeli oıynshylarymen kú­sheı­tilip alynǵanyn aıta ketken jón.

О́kinishke qaraı, osy chempıonatta qyz­da­ry­­myz kútken joldamany Qytaı komandasy alyp ketti. Bul jerde qyzdarǵa esh­qandaı aıyp taǵa almaımyz. О́ıtkeni, dál qazir Qytaı ko­man­da­sy sý dobynan qur­lyqtyń eń myqty quramasy bolyp esep­teledi. Beıjiń Olımpıadasynan keıin olar­dyń deńgeıi tipten ósip ketti. Oǵan byltyr Shanhaıda ótken álem chempıonaty dá­lel bola alady. Sol jarysta qy­taı­lyqtar ekin­shi oryn alǵan bolatyn. Degenmen, bir óki­nishti nárse, Ásel Jaqaeva, Aıjan Aqylbaeva, Kámıla Zákirova, Ásem Mu­sarova sııaqty qazaq qyzdarynyń London Olımpıadasyna bara almaıtyny. Múmkin endi olardyń 2016 jyly joly bolar. Soǵan tilektes bolaıyq.Sodan keıin Olımpıadaǵa eń kóp lısenzııa alǵandardyń biri bizdiń jeńil atletıkadan baq synasatyn qyz-jigitterimiz bolyp otyr. Atap aıtqanda, Marına Aıtova, Vıktor Zıabkına ( ekeýi de Almaty qalasynan), Olga Rypakova, Anastasııa Soprýnova (ShQO), Margarıta Masko, Evgenıı Ektov, Irına Ektova (SQO), Dmıtrıı Karpov, Olga Blýdova (Qa­raǵandy obl.), Natalıa Ivlınskaıa, Olga Teresıkova (OQO), Vıktorııa Iаlovseva (Pavlodar obl.), barlyǵy 12 sportshy Olımpıada lı­senzııasyna ıe boldy. Biz osy jelaıaqtar, onsaıysshylar men bıiktikke sekirýshiler Ámın Tuıaqov, Ǵusman Qosanov pen Olga Shıshıgınanyń Olımpıadadaǵy jetistikterin qaıtalaı alady degen úmittemiz.Odan keıin ár túrli jarystarda qashan­da Qazaqstannyń namysyn qoldan ber­meıtin zil­temirshilerimiz 8 joldamaǵa qol jetkizdi. Olar­dyń ishinde Olımpıada chempıony, úsh dúrkin álem chempıony Ilıa Ilın, Svetlana Podobedova, Maııa Maneza, Zúl­­­fııa Chınshanlo sııaqty sporttaǵy «aýyr artıllerııalarymyz» bar. Qazir qa­zaqstandyq jankúıerler bu­rynǵydaı bokstan ǵana júlde kútpeı, endi ziltemirdiń qos dóń­ge­lekterin basynan asyratyn batyr qyz-jigitterimizge úmitpen qaraı­­tyn jaǵ­daıǵa jetti. Son­dyqtan batpandaı aýyr zilte­mir­di kóterip, kóptegen básekelerde kók baı­ra­ǵymyzdy bıikten kór­setip júrgen sportshylarymyzdan úmitimiz zor, artylar júk te tym aýyr. Bul jerde London Olım­pıa­dasynyń joldamasyn al­ǵan qyz-jigit­te­ri­mizge eń bastysy koman­da­nyń birligi, bap­ker­­lerdiń aqyl-keńesterin tyńdap, dit­tegen maq­satyna jetý úshin ju­mys istegeni jón degimiz keledi. Aýyr atletıka fede­rasııa­sy­nyń bas hatshysy Meń­dihan Táp­sirulynyń aıtýynsha, qazir ulttyq qu­ramanyń qyz-jigitteri jatty­­­ǵý jumys­ta­rymen qyzý aınalysýda. Jatty­ǵýlar Almatyda ótýde. Al Ilıa Ilın Astanada daı­yn­dyq jumys­taryn júrgizýde. «Osy­­­dan keıin komanda shet elge shyǵyp, daıyndalady. Komanda London Olımpıadasynda 4-5 medal alýdy maqsat etýde. Osynyń ekeýi altyn júlde bolsa, josparymyzdyń oryn­dal­ǵany dep bilemin», – deıdi ol.Bokstan ulttyq qurama 6 joldamany ıe­lenip otyr. Munda komandaǵa eń alǵashqy Olımpıada lısenzııasyn Qanat Ábýtálipov (54 kg., Astana qalasy) áperdi. Ol byltyr 7-9 mamyr kúnderi Qytaıdyń Gýıang qala­synda ótken Dúnıejúzilik boks serııasy­nyń jeke chempıonatynda bas júldeni je­ńip alyp, lısen­zııaǵa ıe boldy. Sodan keı­in Bakýde ótken álem chempıonatynda Ádil­bek Nııazymbetov (81 kg., Mańǵystaý obl.), Dana­bek Sýjanov (75 kg., ShQO), Ǵanı Jaılaýov (60 kg., Jambyl obl.), eki dúrkin álem chem­pıony Serik Sápıev (69 kg., Qaraǵandy obl.), Ivan Dychko (91 kg-den joǵary, Qos­­­tanaı obl.) joldamany ıelendi. Osy­lardyń ishin­­de Serik pen Ádilbek fınalǵa shyqsa, Dychko men Jaılaýov jartylaı fınalda óner kórsetti. Al Danabek Sýjanov shırek fı­nalǵa jetkeni úshin joldamaǵa qol jetkizdi.Qazirgi kúni bokstan ulttyq quramamyz alǵashqy oqý-jattyǵý jıyndaryn ótkizýde. Olar 5 qańtar men 24 qańtarǵa deıin Almaty mańyndaǵy «Aqbulaq» saý­­­yqtyrý ke­sheninde kúsh-jigerin tolyq­ty­ryp, taýda júgirip, sport ­­zalda, taza aýada jattyǵý ju­mys­tary­men aınalysty. Bas bapker Myr­­zaǵalı Aıt­janov­­tyń aıtýynsha, osy jat­tyǵýǵa lısenzııa alǵan, almaǵan boks­shy­lardyń bári qa­tysty. Olar kún saıyn tańerteń taýǵa qaraı júgirip, dárigerlerdiń tekserýi­nen ótti. Qazir komanda boks­shy­lar­dyń fızıka­lyq daıyn­dy­ǵyna basa mán berýde. Al tak­tıkalyq jat­tyǵýlar árbir boksshymen jeke-jeke júrgizilýde.Bıylǵy Olımpıadanyń soń­ǵy lısenzııasy Astanada 31 naý­ryz ben 6 sáýir aralyǵynda Prezıdent N.Nazarbaevtyń júl­­­desi úshin óte­tin halyq­ara­lyq týrnırde beri­le­tini belgili. Oǵan álemniń áli joldama almaǵan boksshylary qaty­syp, kúsh synasatyn bolady. Bas bapkerdiń aıtýynsha, Astanada óte­tin lısenzııalyq týrnırge kim­derdiń qatysatyny áli bel­gisiz. Al joldama alǵan boks­shy­lardyń bári daıyndyqtan ótip, birneshe ha­lyq­aralyq ja­rystarǵa qatysady.Erkin kúresten Olımpıa­da­ǵa 4 joldamany ıelenip otyr­myz. Balýandar Dáýlet Nııazbekov (Qyzylorda obl.), Dáýren Ju­maǵazıev (Almaty obl.) pen Batys Qazaqstannan Abdýlhakım Shapıev pen Taımýraz Tıgıev joldamany jeńip aldy. Osy balýandardyń bári byltyr 16-18 qyrkúıek kún­de­ri Túr­kııa­nyń Ystambul qala­synda ót­­­ken álem chempıonatynda lısenzııany ıelendi.Baıdarka jáne kanoede es­kek esýde 4 joldama bar. Bul jarysta Natalıa Sergeeva, Alek­sandr Dıadchýk (Almaty qalasy), Alekseı Dergýnov (BQO), Evgenıı Alekseev (OQO) el namysyn qorǵaıdy. Grek-rım kú­re­­sinen ázirshe 3 joldamaǵa ıe bolyp otyrmyz. Almat Kebispaev (60 kg., Astana qala­sy), Nurmahan Tinálıev (120 kg.) pen Ashat Dilmuha­me­dov (75 kg., ekeýi de Almaty obl.) qazirdiń ózinde Olımpıadaǵa daı­yn­dyqty bastap ketti. Solardyń ishinde balýandarymyz Túrkııanyń Ystambul qal­a­synda ótken Golden Gran-prı týrnırinde jaqsy nátıje kórsetti. Bul beldesýlerde bizdiń balýandar bir altyn, bir kúmis jáne bir qola medalǵa ıe boldy. Endi osy aptada Parıjde ótetin Grand Slam týrnırinde dzıýdoshylardan úmit kútemiz. Oǵan Maksım Rakov bastaǵan ulttyq quramanyń myqty­lary attandy.Al áıelder kúresinen ulttyq qura­mamyz 2 joldamany ıelenýde. Onyń biri Juldyz Esimovada (48 kg., Astana qalasy), ekinshisi Gýzel Manıýrovada (72 kg., Almaty qalasy). Sondaı-aq, nysana kózdeýden Vıacheslav Podlesnyı (Pavlodar obl.), baıdarka jáne kanoede Sergeı Cherkasov (ShQO) joldamaǵa ıe boldy.Ázirshe Olımpıadaǵa bizdiń 64 jol­damanyń eń sońǵylarynyń birin Anna Alıabeva jeńip alyp otyr. Ol 16-18 qańtar Londonda «Soltústik Grınvıch Arenasy» kór­kem gımnastıkadan biliktilik synaqta al­ǵashqylardyń biri bolyp lısenzııany ıe­len­di. Bul synda Alıabeva Olımpıadaǵa be­rilgen 5 joldamanyń bireýin jeńip aldy. Qazirdiń ózinde ony kórkem gım­nastıkadan Azııa oıynda­ry­nyń chempıony Álııa Jú­sipo­va­nyń izbasary deý­­­­shiler kóp. Mu­nyń aldynda stendten atýda 11-22 qańtar kún­deri Katardyń Doha qalasynda ótken Azııa chempıonatynda úshin­shi oryn alǵan Angelına Meshýk, sport­tyq gımnastıkadan 11-18 qań­tar kúnderi Londonda ótken ha­lyq­aralyq týrnırde jaqsy nátıje kór­setken Móldir Ázim­baı men Stepan Gorbachev ta joldamany ıelengenin atap ótke­nimiz jón. Osy sońǵy joldama alǵandar­dyń biri Móldir Ázimbaı ázirshe sportshylar ishindegi eń jasy bolyp tabylady. 1995 jyly Shymkent qalasynda týǵan Mól­dir qazir Ońtústik Qazaqstan gýmanı­tarlyq-ekonomıkalyq kolledjiniń birinshi kýrsynda oqıdy. Ol II Eýrazııa oıyndarynda syryq jattyǵýy boıynsha III orynǵa ıe bolǵan. Elimizdiń birneshe dúrkin chempıony jáne júldegeri. Kóptegen ha­lyqaralyq týrnırlerdiń jeńimpazy. Kotbýs qalasynda ótken álem kýbogy úshin ja­rysynyń, Japonııada ótken álem chempıo­natynyń qatysýshysy. Qazaqstan halqy III Spartakıadasynyń jeńimpazy.Dastan KENJALIN.

TAQYRYPQA TUZDYQ

London Olımpıadasynda altyn júl­deni ıelengen Qa­zaqstan sportshysy 250 myń AQSh dollary kóleminde syıaqy alady. Kúmis júldeger 150 myń, qola júl­de­ger 75 myń, al tórtinshi oryn ıelengen 30 myń dollar alsa, besinshi oryn alǵan 10 myń, altynshy oryndy qanaǵat tutqan sport­­­shy 5 myń AQSh dollaryna ıe bolady.