Qarasha aıynyń sońy men jeltoqsan aıynyń basynda Horvatııanyń Zagreb jáne Estonııanyń Tallın qalalarynda mánerlep syrǵanaýdan eki birdeı halyqaralyq týrnırdiń jalaýy jelbireıdi.
Alǵashqy synaq 26 qarasha men 2 jeltoqsan aralyǵynda Zagrebte uıymdastyrylady. Baltyq jaǵalaýyndaǵy jarystyń jekelegen saıysynda Aıza Imambek, Artýr Panıhın jáne Nıkıta Manko óner kórsetedi. Osy úshtiktiń arasynan jankúıerler Aızany jaqsy biledi. 19 jastaǵy almatylyq arý byltyr qysqy Azııa oıyndary men Dúnıejúzilik Ýnıversıadada jáne bıylǵy jyly Aq Olımpıadada baq synap, úlken tájirıbe mektebinen ótti. Artýr men Nıkıta da birqatar jaýapty jarystarda ózderin jaqsy qyrynan kórsetken sportshylar. Sondaı-aq, Tallınde biz Jansaıa Ádihanova-Ábish Baıqanov jubynyń ónerin tamashalaımyz.
Estonııanyń astanasyndaǵy jarys aıaqtalǵan bette jerlesterimiz birden Horvatııaǵa sapar shegedi. 4 jeltoqsanda tusaýy kesiletin bul týrnırde de álemniń ár qıyrynan keletin birqatar beldi mánerlep syrǵanaýshylar qatysady dep kútilýde.
Ǵalym SÚLEIMEN,
«Egemen Qazaqstan»