Alda – kezekti dop dodasy

10 naýryz kúni fýtboldan Qazaqstannyń HHI chempıonaty bastalady

Bıylǵy maýsymǵa «Shahter» (Qaraǵandy), «Jetisý» (Taldy­qor­ǵan), «Aqtóbe» (Aqtóbe), «As­­­­­tana» (Astana), «Ertis» (Pavlodar), «Ordabasy» (Shymkent), «Qaı­sar» (Qyzylorda), «Atyraý» (Atyraý), «Taraz» (Taraz), «Tobyl» (Qostanaı), «Qaırat» (Almaty) pen birinshi lıgadan ótken Kókshetaýdyń «Oqjet­­­­­pes», Oral­dyń «Aqjaıyq» jáne Qas­­keleń­niń «Suńqar» komandalary qaty­sa­dy. Osy komandalar jyl so­ńyna deıin bir-birimen óz alańynda jáne syrt alańda eki retten oınap, chempıon jáne júl­deger komandalardy anyqtaıdy.

10 naýryz kúni fýtboldan Qazaqstannyń HHI chempıonaty bastalady

Bıylǵy maýsymǵa «Shahter» (Qaraǵandy), «Jetisý» (Taldy­qor­ǵan), «Aqtóbe» (Aqtóbe), «As­­­­­tana» (Astana), «Ertis» (Pavlodar), «Ordabasy» (Shymkent), «Qaı­sar» (Qyzylorda), «Atyraý» (Atyraý), «Taraz» (Taraz), «Tobyl» (Qostanaı), «Qaırat» (Almaty) pen birinshi lıgadan ótken Kókshetaýdyń «Oqjet­­­­­pes», Oral­dyń «Aqjaıyq» jáne Qas­­keleń­niń «Suńqar» komandalary qaty­sa­dy. Osy komandalar jyl so­ńyna deıin bir-birimen óz alańynda jáne syrt alańda eki retten oınap, chempıon jáne júl­deger komandalardy anyqtaıdy.

Baıqap otyrsańyzdar, bıyl­ǵy maýsymǵa burynǵydaı 12 komanda emes, 14 klýb qatysqaly otyr. Bul da bizdiń chempıo­nat­tyń jyldan-jylǵa qarqyn alyp, jankúıerlerdiń ózimizdiń ja­rys­tarǵa qyzyǵý­shy­lyq­ta­­­ryn bil­­dirip jatqanyn kórsetse kerek.

Al bıylǵy maýsymǵa koman­dalardyń daıyndyǵyn jaqsy dep baǵalaýǵa bolady. О́ıtkeni, komandalardyń bári byltyrdan beri jyly jaqtarda oqý-jat­ty­­­ǵý jıyndaryn ótkizip, qatar­la­­­ryn tájirıbeli oıynshylarmen to­lyq­tyryp aldy. Desek te, dál qazir qaı komandanyń el chempıony atanatynyn, úzdikter qata­ry­na qaı klýbtyń kiretinin aıtý qıyn. Bıylǵy maýsymda birinshi lıgaǵa túsip qalatyn komandalardy da boljap aıta almaımyz.

Qazir komandalarǵa jergi­lik­ti bıýdjetten jáne demeýshi­lerdiń kómegimen tıisti qarajat bóliný­de. Onyń sebebi de tú­si­nikti. Bári óz ókilderiniń qamyn oılap, úz­dikter qatarynan kó­ringenin qalaıdy.

Máselen, ótken jylǵy chempıon «Shahterdi» alaıyq. Bul komandany damytýǵa bıýdjetten 477 mln. teńge bólingen. Oǵan «Arselor Mıttal Temir­taý» men «ENRC-Kómek» kompanııasy da kómek qolyn sozyp otyr. Sondaı-aq, Qyzyl­orda­nyń «Qaı­sar» klýby da qal­tasyn tolyq­ty­ryp aldy. Bıyl komandaǵa sport­qa jany ashıtyn oblys ákimdigi qomaqty qa­rajat bólgen. Byltyr klýb­tyń bıýdjeti 350 mln. teńge bolsa, bıyl ol 574 mln. teńgege jetti. Taǵy aıtatyn nárse, oblysta «Qaısardyń» qamqor­shy­lar ke­ńesi jumys isteıdi. Oǵan ki­retin oblys ákimdigi, úlken kompanııalar, kásipkerler men jekelegen demeýshiler koman­da­ǵa qoldaý kórsetip otyrady.

Basqa komandalarǵa kelsek, bıyldan bastap premer-lıgada oınaıtyn «Aqjaıyq», «Oqjet­pes» jáne «Suńqar» klýbtary da jańa maýsymǵa jan-jaqty daı­yn­dyqpen keldi. Sonyń ish­in­de oraldyq komanda ótken jy­­ly Qazaqstan fýtbol fede­ra­sııasy­nyń premer-lıganyń komandalar sanyn 14-ke kó­beı­­tý týraly sheshimine baılanysty birinshi lıgadaǵy tór­tinshi orynnan  ilik­ken bolatyn. Osyny baǵalaı biletin komanda bı­ylǵy maýsymda premer-lıgada qalý úshin bar kúsh-jigerimizdi salamyz dep otyr. «Suńqar» men «Oqjet­pes­tegi» jaǵdaı da solaı. Olar favorıt bolmasa da aýtsaıder bol­maýǵa kúsh salmaq.

Al chempıonattyń favorıt­te­riniń qataryna byltyrǵy chempıon – «Shahter», «Astana», «Je­tisý» jáne «Aqtóbe» komandalaryn jatqyzýǵa bolady. Son­daı-aq, ótken jylǵy maýsymdy altynshy orynmen aıa­q­­taǵan Shym­kenttiń «Ordabasy» klýbyn da myqtylar qataryna qosqan jón. Qazir olardyń bári qataryn biraz tájirıbeli oıynshylarmen to­lyq­tyryp aldy. Máselen, buryn Qostanaıdyń kókmaısa alańda­rynda ala dop­ty shirene tepken Nurbol Ju­masqalıev «Astanadan» «To­­byl­­ǵa», Azat Nurǵalıev «Ordabasydan» «Jetisýǵa» qaıta oral­­dy. Al osy kezge deıin Túr­kııanyń «Dııarbakyrspor» klý­byn­da oınaǵan Álı Álıev bolsa, ózi­niń týǵan komandasy – «Qaı­rat­qa» emes, Pavlodardyń «Er­ti­si­ne» keldi. Osy koman­da­nyń sapyn taǵy Ulyqbek Bakaev tolyq­tyr­dy. Sóıtip, kezinde arabtar­dyń qyzyl aqshasyna qyzyqqan ózbek legıoneri BAÁ-niń «Dýbaı klab» komandasynda bir maýsym ǵana oınap, О́z­bek­stanǵa emes, Qa­­zaq­stanǵa qaıta kelýdi jón kóripti.

P.S. Bıylǵy maýsymda  ko­man­­­dalar «Tango 12» dobymen oınaıtyn bolady. 2012 jylǵy Eýropa chempıonatynyń resmı doby keshe keshke «Astana-Arena» stadıonynda Qazaqstan Sýperkýbogyn sarapqa salǵan «Ordabasy» men «Shahter» komandalarynyń oıynynda sy­naqtan ótti.