Qyzylordada ıspandyq «Roca Group» kompanııasynyń sanıtarlyq-tehnıkalyq jabdyqtar zaýytynyń irgetasy qalandy. Santehnıkalyq jabdyqtar óndirý salasyndaǵy álemdik kóshbasshylardyń biri sanalatyn kompanııanyń ǵasyrdan astam tarıhy bar. Jıyrma myńnan astam adam jumys isteıtin «Roca Group» ónimderi álemde 170-ten astam elge eksporttalady.
Saltanatty rásimde oblys ákimi Murat Ergeshbaev Memleket basshysy Qasym-Jomart Toqaevtyń ınvestısııa tartý jáne zamanaýı óndiristi damytý jónindegi tapsyrmasyna oraı óńirde qolaıly ınvestısııalyq ahýal qalyptasqanyn atap ótti.
«Keıingi jyldary óńirimizdiń ınvestısııalyq áleýeti artyp, iri jobalar tabysty júzege asyp keledi. Aımaq ekonomıkasyna 2,3 trln teńgeden astam ınvestısııa tartyldy. Aldaǵy úsh jylda 1,9 trln teńgege 48 ınvestısııalyq jobany júzege asyrý josparlanyp otyr. Osylaısha, 10 myńnan astam jańa jumys orny ashylady. Aýqymdy jobany Syr óńirinde júzege asyra bastaǵany úshin ıspandyq «Roca Group» kompanııasyna rızashylyǵymdy bildiremin», dedi óńir basshysy.
Jıynda «Roca Group» seriktestiginiń bas dırektory Danıel Hýrado Ernandes ınvestısııalyq yntymaqtastyqty nyǵaıtýǵa atsalysqan el azamattaryna alǵys aıtty. «KAZAKH INVEST» UK» AQ qoldaýymen júzege asyrylatyn bastama aıasynda byltyr birshama jumys júzege asqan. Jyl buryn jobany júzege asyrý qaǵıdattary týraly negizdemelik kelisimge qol qoıyp, taraptar sanıtarlyq-tehnıkalyq buıymdar shyǵaratyn zaýyt jobasyn birlesip júzege asyrý bastamasyna jaqyndaı tústi.
Zaýytqa bólingen jer kólemi – 24 gektar. 44,1 mlrd teńge ınves-tısııa salynatyn óndiris orny jylyna qýaty 500 myń buıymǵa deıin shyǵara alady. О́ndirilgen ónim ishki naryqtan bólek ortalyq Azııa elderine eksporttalady degen jospar bar. Jańadan 300-ge jýyq turaqty jumys orny ashylatyn óndiris ornynda jergilikti mamandardy oqytý jáne olardyń biliktiligin arttyrý kózdelip otyr.
Oblysta irgesi qalanǵan taǵy bir iri óndiris orny – shyny ydystar zaýyty. О́ńirde shyny klasterin damytýǵa baǵyttalǵan bastama aıasynda uıymdastyrylǵan is-sharaǵa oblys ákimi Murat Ergeshbaev, «Seven Rivers» seriktestiginiń quryltaıshysy Ánýar Úmbetaev, qurylys kompanııalarynyń dırektorlary qatysty.
Nemistiń «Horn» tehnologııasymen jabdyqtalyp, zamanaýı ári ekologııalyq talaptarǵa saı ónim óndiretin zaýyt «Qazaq-nemis» bıznes-forýmy aıasynda yntymaqtastyqty damytý týraly memorandýmnan bastaý alady. 60 mlrd teńgege salynyp, jylyna 240 mln dana shyny ydys óndiretin kásiporynda 500-den astam jańa jumys orny ashylmaq.
О́ńir óndirisinde jańalyq kóp. Jaqynda ǵana «Maral Nur» seriktestiginiń vagon jóndeý jáne tehnıkalyq qyzmet kórsetý kesheni ashylsa, endi qos zaýyttyń qurylysy bastaý aldy.
Zaýytqa barlyq ınjenerlik ınfraqurylymy júrgizilgen aımaqtan 38 gektar jer telimi tabystalypty. Zaýyt jınalǵan shyny qaldyqtaryn qaıta óńdeıdi. О́ndiris orny iske qosylǵanda óńirdegi joǵary sapaly kvars qumy, ák jáne dolomıt qorlaryn paıdalanyp, jańa ilespe kásiporyndardy damytýǵa múmkindik týady.
Qyzylorda