О́ńirdegi Qoǵamdyq densaýlyqty saqtaý departamentiniń málimetinshe, ótken jyly ıt qaýyp alǵan 1660 adam jáne mysyqtardan zardap shekken 443 adam medısınalyq kómekke júginipti.
Bıyl 1299 adam ıtterden, 335 adam mysyqtardan zardap shekken. Veterınarııa qyzmeti tarapynan juqpaly aýrýlardyń aldyn alý maqsatynda qutyrma aýrýyna qarsy 7000 ıt pen 500 mysyq egilgen.
Biraq, óńirdegi veterınarııa stansasy mamandarynyń aıtýynsha, ıt pen mysyqty aýlaý jáne joıý maqsatyndaǵy keıbir qabyldanatyn sharalar elimizde qabyldanǵan zańdylyqtarǵa saı kelmeıtin tústary da bar kórinedi.
Bul úshin aýyl-qalalardaǵy qańǵybas ıtter men mysyqtardy aýlaý jáne joıý týraly erejeler bekitý qajet.
Sodyqtan, jergilikti veterınarııa basqarmasy erejeler jaıly bul jobany halyqaralyq uıymdardyń talaptary men veterınarııa bólimderiniń, janýarlardy qorǵaýshylardyń usynystaryn esepke ala otyryp ázirledi.
Birinshiden, ıt pen mysyqty aýlaýǵa, joıýǵa shyqqan kólikti resmı belgimen jabdyqtap, uıymnyń nómirin kórsetý qajet.
Bulaı bolmasa, turǵyndardyń arasynda túsinispeýshilik týyndap, áleýmettik jelilerde teris pikirler jaza bastaıdy. Eger de joǵaryda aıtylǵan joba júzege assa, joǵalǵan úı janýaryn eki aı ýaqyt ishinde ıeleri kelip alyp kete alady.
Bıyl oblys aýmaǵyndaǵy qańǵybas ıtter men mysyqtardy joıýǵa oblystyq bıýdjetten 1 mıllıon teńge bólingen.
Aldaǵy jyldary qarjy kólemin arttyrý josparlanyp otyr. Oblystyq veterınarııa basqarmasynyń málimetinshe, qaraýsyz, kútimsiz qalǵan ıt pen mysyqtyń sany az emes kórinedi.
Damyǵan elderde adam densaýlyǵy úshin, qoǵam qaýipsizdigi úshin dalada qalǵan ıt pen sııaqty úı janýarlarynyń ıelerin izdeý, ekpe salý, arnaıy ortalyqqa ornalastyrý jumystary júrgiziledi.
Al, bizdiń elimizde ıt pen mysyqty ýaqytsha ustaý, aýlaý jáne joıý jumystaryn óńirlerdegi veterınarııa bólimine qarasty mekemeler atqarady. Qańǵybas ıtter men mysyqtardy aýlaý jáne joıý túrli juqpaly aýrýlardyń taralýynyń aldyn alý maqsatynda qolǵa alynýda.
Farıda BYQAI,
«Egemen Qazaqstan»
PAVLODAR