Memleket basshysy VIII Azamattyq forýmǵa qatysýshy úkimettik emes uıymdardyń baıandamasyn tyńdady.
«Memleket pen qoǵam arasynda ashyq dıalog alańyn ornatýdyń qajet ekenin men árbir óz Joldaýymda aıtyp kelemin. Bizdiń basty maqsatymyz – sanaly azamattar men mártebesi joǵary damyǵan qoǵam qurý. Elimizdiń turaqtylyǵy úshin jumyla eńbek etsek, barlyq mindetterdi júzege asyramyz. О́rkendegen 30 eldiń qataryna kirý maqsaty bárimizge birdeı. Bul forým úkimettik emes uıymdarǵa serpin berip azamattyq qoǵamnyń odan ári damýyna úlken jol silteıdi dep senemin. Búgingi basqosýda naqty jumystar aıtyldy. Kóterilgen árbir másele muqııat saraptalyp, Úkimetpen, Parlamentpen jáne Úkimettik emes uıymdarmen birge tıisti baǵdarlamalar qabyldaý qajet», dedi Elbasy.
Prezıdent eń aldymen qaıyrymdylyq salasynda belsendi qyzmet etip júrgen uıymdar jumysyna toqtaldy.
«Sońǵy ýaqytta kóptegen kásipkerler qaıyrymdylyq jumystarymen aınalysyp jatqany qýantady. Jetimder úıi, qarttar úıi degen sekildi máseleler meni qatty tolǵandyrady. Qazaqstanda jetim balalar úıi bolmaýy tıis. Bizdiń balalarymyz tanymaıtyn muhıttyń arǵy jaǵyndaǵy elge baryp, elge bóten bolmaýy qajet. Musylman dininde aıtylǵandaı, jetimge qolyńdy sozsań, jumaqtan bir-aq shyǵasyń degen. О́ziniń 1 nemese 3 balasy bar adam taǵy da bir balany balalar úıinen asyrap alsa, ol adam tek qana jaqsylyqqa ıe bolady dep sanaımyn», dedi Nursultan Nazarbaev.
Marjan TILEÝBEK,
«Egemen Qazaqstan»