Oblys ortalyǵyndaǵy «Saryarqa» dep atalatyn jańa shaǵyn aýdanda eki turǵyn úı paıdalanýǵa berildi.
Turǵyndardy Tuńǵysh Prezıdent kúnimen qatar kelgen qýanyshtarymen oblys ákimi Bolat Baqaýov quttyqtap, páter kiltterin tabys etti.
Al, «2020 jylǵa deıin óńirlerdi damytý» baǵdarlamasy arqyly salynyp jatqan «Saryarqa» shaǵyn aýdanyndaǵy turǵyn úıler kesheniniń qurylysy 2021 jyly aıaqtalady.
Sonymen birge, «Nurly jer» baǵdarlamasy boıynsha bul kúnderi oblys ortalyǵynda «Dostyq» shaǵyn aýdanynyń qurylysy bastaldy.
Jańa úıden páter alǵan Indıra Saıfýrova 15 jyldaı kezekte turyp, qarajatyn «Turǵyn úı qurylys jınaq» AQ bankinde jınaǵan.
- «Nurly jer» baǵdarlamasy boıynsha páter qunynyń 50 paıyzyn jınap, páter aldym. Endi 6 jyl ishinde qalǵan aqshasyn tóleımin,-deıdi Indıra.
Páterlerdiń bir sharshy metri 121 myń teńge. Memlekettik baǵdarlamalarǵa qatysý úshin «Turǵyn úı qurylys jınaq» AQ bankinde páter qunynyń 20 paıyzyn quraıtyn salymǵa ıe bolý kerek. Bank ókilderiniń aıtýlarynsha, jyl sońyna deıin taǵy 288 salymshy páter almaqshy.
Farıda BYQAI
«Egemen Qazaqstan»
PAVLODAR
Sýretti túsirgen: Valerıı Býgaev