Zaýyttyń paıdalanýǵa berilýin rýdnyılyqtar Tuńǵysh Prezıdent kúni merekesine tartý dep qabyldady. Zaýyt qurylysy 2008 jyly bastalǵan bolatyn. Biraq osy kezge deıin qarjynyń jetimsizdiginen qurylys merzimi sozylyp kelgen edi. Jylyna 500 myń tonna sapaly sement óndiretin zaýyttyń quny 17 mıllıard teńge turady. Onyń ashylýyna oblys ákimi Arhımed Muhambetov qatysyp, úlken istiń bitýine kýá boldy, jańa óndiris ujymyn quttyqtady.
«Árıne, qıynshylyqtar boldy, onyń barlyǵy da endi artta qaldy. Endi bizdiń zaýyt tek oblysymyzda ǵana emes, kórshi óńirlerdegi qurylys máseleleriniń sheshimin tabýyna úles qosatyn bolady. Elbasynyń tapsyrmasymen elimizde «Nurly jer», «7-20-25» baǵdarlamalary júzege asyp jatyr. Demek barlyq qalalarda turǵyn úı qurylystary jedel júrip jatyr. Qostanaı oblysynda ǵana bıyldyń ózinde 300 myń sharshy metr turǵyn úı tapsyrylady. Maǵan berilgen málimet boıynsha, zaýyt óndiretin 700 myń tonna sementke qazirdiń ózinde tapsyrys berilip qoıǵan. Onyń jartysy eksportqa ketedi» dedi Arhımed Begejanuly.
Zaýyt jyl aıaǵyna deıin 17 myń tonna tyrnaqaldy ónimin óndiredi. Qazir munda 162 adam jumysqa ornalasty. Tolyq qýatyna jetkende munda 307 adam jumys isteıtin bolady. О́ndiristiń ınfraqurylymyna bıýdjetten 739,6 mıllıon teńge jumsaldy. Zaýytqa keletin temirjol tuıyǵy da jyl aıaǵyna deıin bitýi tıis.
Názıra Járimbet,
«Egemen Qazaqstan»
Qostanaı