Qala ákiminiń baspasóz qyzmetiniń habarlaýynsha, bul ortalyq «Degdar» gýmanıtarlyq Qorynyń qaıyrymdylyq jobasynyń aıasynda aýtızmge shaldyqqan balalardy ońaltýǵa arnalǵan.
Al «Erekshe úı» degen ataýy bar ortalyq Qordyń qamqorlyq keńesiniń tóraıymy Darıǵa Nazarbaevanyń, Ekibastuz qalasy ákimdiginiń, sondaı-aq ERG kompanııasynyń qoldaýymen ashyldy
Bul kúnderi qalada aýtızm dertine shaldyqqan 145 bala turady, onyń ishinde mektep jasyna deıingisi-109 bolsa, olar 23 balabaqshaǵa, 8-i mektepterge bólingen bolatyn.
- Qalamyzda «Erekshe úı» ortalyǵynyń ashylýyna aýtızm dertine shaldyqqan balalardyń ata-analary bastamashy boldy. О́ıtkeni,olar balalaryn ońaltý úshin basqa óńirlerge, shet elderge aparýǵa májbúr edi. Endi mine, qalalyq ákimdik tarapynan ata-analardyń ótinishteri qoldaý tapty. Búgin ortalyq esik ashyp, alǵashqy oqýshylaryn qarsy alýda, - deıdi ortalyq basshy Aıda Seıitova.
Qaladaǵy «Erekshe úıdiń» ashylýyna qala ákimi Nurjan Áshimbetov, Respýblıkalyq «Degdar» qorynyń tóraǵasy Janat Seksembaev, qalalyq máslıhat depýtattary qatysty.
Búginderi ortalyq 32 balamen jumys jasaýda. Ońaltý kýrsy úsh aıǵa eseptelgen. Jyl boıy ortalyqta 120-den astam bala keletin bolady.
Al ortalyq mamandary balalar men olardyń otbasylaryna jalpy damýdyń, bilimniń jáne áleýmettik beıimdelýge qol jetkizý úshin jan-jaqty kásibı qoldaý kórsetpek.
Aýtızmge shaldyqqan balalarǵa keshendi psıhologııalyq, bilim berý, áleýmettik kómek kórsetý jáne ýaqytyly anyqtaý.
Ortalyq óz jumysynda keshendi pedagogıkalyq ádisti qoldanady, jeke túzetý baǵdarlamalaryn ázirleıdi. Mamandar túzetý ádisteri, sensorlyq ıntegrasııa, ABA-terapııa boıynsha Astanada bilim alady.
Farıda BYQAI,
«Egemen Qazaqstan»
Ekibastuz
Sýretti túsirgen: Aıdana Aıtýǵanova