ONYNShY esep:
Ańshylardyń olja bólisýi
Sáti túspeı qanjyǵasy bos qaıtqan bir ańshy túnge qaraı dalada ot jaǵyp as ázirlep jatqan eki ańshyǵa jolyǵady. Olardyń birinshisi 3 shil, al ekinshisi 5 shil atyp alǵan eken. Úsh ańshy barlyq shilderdi pisirip teńdeı bólip tamaqtanady. Erteńine qonaq ańshy jegen tamaǵyna aqsha bereıin dese, ana eki ańshy «qajeti joq» dep qabyl almaǵan soń, áriptesterine rızashylyǵyn bildirip segiz oq berip ketedi. Eki ańshy oqtardy qalaı bólisýi kerek?
ON BIRINShI esep:
Amandasý jaıy
On joldas kezdeskende úlken toıda, Amandasty bir-birimen saǵynysyp. Aıtyńdarshy, qansha ret boldy sonda, Sálemdesý bir márteden qol alysyp?
ON EKINShI esep: Shopan ata ósıeti
Qazaq halqynda tórt túlik degen uǵym bar. Ańyz boıynsha ár túliktiń «ıesi bar» dep esepteledi. Iаkı, jylqy ıesi – Qambar ata, túıe ıesi – Oısylqara, sıyr ıesi – Zeńgi baba, qoı-eshki ıesi Shopan ata degen sııaqty. Osyndaǵy Shopan atamyz: usaq maldy qoraǵa qamaǵanda qoranyń sharbaǵy qansha qysqa bolý mańyzdy emes, qoranyń aýdany múmkindiginshe úlken bolsyn, – dep ósıet etipti. Demek, ata ósıeti boıynsha qysqa sharbaqpen úlken aýmaqty qorshaý kerek. Osy ósıetti iske asyrmaq bolǵan bir qoıshy tik jarǵa jastap, keń qora soqpaqshy bolady. Eger sharbaqty qoranyń uzyndyǵy L bolsa, ata ósıetin oryndaý úshin sharbaq pishini qandaı bolýy qajet dep oılaısyz?
«Uly dalanyń baıyrǵy 100 kóne esebi» kitabynan daıyndaǵan Beken QAIRATULY,
«Egemen Qazaqstan»