Mańǵystaý oblysy «О́ńirlik Kommýnıkasııalar qyzmeti» alańynda memlekettik 7-20-25 baǵdarlamasy men turǵyn-úıge qatysty ózge de suraqtarǵa arnalǵan brıfıng ótkizildi. Sharaǵa Mańǵystaý oblysynyń qurylys, sáýlet jáne qala qurylysy basqarmasynyń bólim basshysy Shagırbaev Imammahmýd jáne ekinshi dárejeli bankterdiń ókilderi qatysty.
Mamandardyń aıtýynsha, Mańǵystaý oblysy «7-20-25» baǵdarlamasyn iske asyrýda Almaty men Astana qalalarynan keıingi úshinshi orynda. Qazirgi tańda Aqtaý qalasy boıynsha jańa shaǵyn aýdandardaǵy 24 jer teliminde salynyp jatqan turǵyn úılerdiń jartysy «7-20-25» baǵdarlamasy boıynsha beriletin bolady. Ekinshi dárejeli bankterge 2 mlrd. 872 mln. teńgeni quraıtyn 371 ótinim kelip túsken.
Aqtaý qalasynda qurylysy aıaqtalǵan, bos páterler bar turǵyn-úıler de joq emes. Jyl sońyna deıin 33 shaǵynaýdandaǵy «Aqqý-1» turǵyn úıi men 17 shaǵyn aýdandaǵy «Aıraqty-2» turǵyn úı kesheni, 16 shaǵyn aýdandaǵy «Lepes», 16 shaǵyn aýdandaǵy «Abyroı» turǵyn-úı keshenderiniń qurylysy aıaqtalady dep kútilýde.
Al, «Nurly jer» baǵdarlamasy boıynsha 10 aıda 944,960 myń sharshy metr turǵyn-úı kesheniniń jospary iske asyrylyp, kórsetkish ótken jylmen salystyrǵanda 39% ósken (675,8 myń sharshy metr).
Gúlaıym ShYNTEMIRQYZY,
«Egemen Qazaqstan»
Mańǵystaý oblysy