Qurlyqtyq hokkeı lıgasynyń (QHL) kezekti týr oıynyn óz muz aıdynynda ótkizgen Astananyń «Barysy» Chelıabiniń «Traktorynan» basym tústi.
Birinshi kezeń teń aıaqtaldy. 8-mınýtta qonaqtar komandasy sapyndaǵy eń belsendi oıynshylardyń biri Aleksandr Rybkovtyń soqqan shaıbasyna astanalyqtar 14-mınýtta Valerıı Orehovtyń ádemi golymen jaýap qaırdy. Ekinshi kezeńde esep ózgergen joq. Al úshinshi kezeńde «Barystyń» basymdyǵy aıqyn ańǵaryldy. 52-mınýtta Valerıı Orehov dýbl jasasa, 59-mınýtta Pavel Akolzın básekeniń sońǵy nkútesin qoıdy. Esep – 3:1.
QHL-diń turaqty birinshiliginiń jarys kestesinde «Barys» 9-orynda keledi. Jerlesterimiz 34 kezdesýden keıin 48 upaı jıdy. Endi olar Qıyr shyǵysqa attanyp, óziniń kelesi oıynyn 8-jeltoqsanda Vladıvostoktyń «Admıral» klýbyna qarsy ótkizedi.
Ǵalym SÚLEIMEN,
«Egemen Qazaqstan»