• RUB:
    6.68
  • USD:
    520.93
  • EUR:
    609.07
Basty saıtqa ótý
Aımaqtar 09 Jeltoqsan, 2018

Qostanaı oblystyq qazaq drama teatry Shámshi týraly spektakl qoıdy

964 ret
kórsetildi

I.Omarov atyndaǵy oblystyq qazaq drama teatry «Ánim sen ediń» atty spektaldi kórermenderine usyndy. Israıl Saparbaıdyń pesasynyń negizinde sahnaǵa yńǵaılaǵan qoıylym rejısser Álııa Ákimqyzynyń tosyn forma, túr tabýy men akterler sheberliginiń jetistigi dese bolady.

Zal qoıylymdy bir demmen kórip shyqty. Qazaq án áleminde bir ózi bir dáýir bolǵan Shámshi Qaldaıaqovtyń ánderin bilmeıtin qazaq joq. Tipti ózge ult ókilderiniń de súıikti ánine aınaldy. Biraq ánin aıtqandar Shámshiniń ómiri men ishki jan dúnıesindegi bolyp jatatyn alapat dúnıeni, onyń názik júrek lúpilin, ómirde qyzǵanshaqtar men tońmoıyndardyń aıaǵynan shalǵan pendeshilikterin bile bermes.

Sygan tobyryna erip ketetin Shámshi Otany, belgili turaǵy joq bolsa da óz ultynyń dástúri men saltyn asyldaı saqtap júrgen sygan ultyna rıza bolady. Ulttyń qundylyqtary saqtalǵan jerde Shámshi káýsar bulaqtyń tazalyǵyn sezinedi. Keremet án týady. Shámshi ómirdegi pendeshilikterdiń kergen jibinen jyǵylyp-turyp júrgende, eldi onyń ánderi áldılep, aspanynda onyń áni sharyqtap turdy. Spektakldiń sońynda sahnadaǵy hor Shámshiniń «Meniń Qazaqstanym!» ánin alystan baıaý, alystan estilip turǵandaı, ýildep aıtýymen aıaqtalady. Demek, Shámshiniń áni Táýelsiz elmen birge aldaǵy ǵasyrlarǵa da máńgilikke kete beredi.

Sprektaklde ataqty kompozıtordyń beınesin akter Álimhan Myrzahan sátti somdap shyqty.

«Shámshininiń beınesin alyp shyǵý ońaı bolmady. Sebebi Shámshini bilmeıtin qazaq, bilmeıtin qazaqstandyq joq deýge bolady. Kórermenniń kóz aldyndaǵy jattandy onyń beınesin berýmen qalyp qoımaı, qalaı tulǵalandyrýǵa bolady?» degen suraq kóz ildirmedi. Men de, rejısser de bul qoıylymda Shámshini tek kompozıtor ǵana emes, ózi ómir súrgen qoǵamdaǵy kórinisterdi memlekettik bıik turǵydan oılaı biletin suńǵyla retinde alyp shyǵýdy oıladyq. Izdenisimiz, eńbegimiz mańdaı terdi aqtady-aý dep oılaımyn. Shámshiniń tereń adam bolǵanyna onyń zamandastary qaldyrǵan estelikter kýá» dedi akter Álemhan Myrzahan.

Spektaklde Izoldany beınelegen Dıana Tursynovanyń, Saǵynyshty oınaǵan Qymbat Áýezhannyń, Shámshiniń aansyn beınelegen Aqdáme Dosanova men Shara Músilovanyń, Barondy somdaǵan Qonysbek Begaıdarovtyń, Abzaldy oınaǵan Aıbol Shákirjanovtyń ónerine kórermen rızashylyqpen qol soqty.

Aıtpaqshy, qoıylymda kórermen osy teatrda alǵash ret hor tyńdaýǵa múmkindik alǵandaı boldy. Ony Qostanaı memlekettik pedagogıkalyq ýnıversıtetiniń professory Saltanat Jaqaeva qoıdy.

Názıra JÁRIMBET,

«Egemen Qazaqstan»

Qostanaı

Sońǵy jańalyqtar