Memleket basshysy 5 qazandaǵy Joldaýynda quqyq qorǵaý salasyn jańǵyrtýdyń mańyzdylyǵyna toqtalyp, ishki ister organdarynyń qurylymy men shtatyn ońtaılandyrýdy, sondaı-aq ózine tán emes fýnksııalardy alyp tastaýdy tapsyrdy.
– Artyq nárseniń bárinen arylyp, qylmyspen kúres júrgizý jáne quqyqtyq tártipti saqtaý isine mán berý kerek. Bizge jańa formasııanyń polıseıleri qajet, – dedi Elbasy.
Búginde jergilikti polısııa qyzmeti qalalyq ákimdikpen memlekettik-jekeshelik áriptestigi aıasynda «Sergek» baǵdarlamasyn júzege asyrýda. Qoǵamdyq oryndar men kóshedegi qylmystardy azaıtý maqsatynda sharalar júrgizýde. Jol tártibin buzý faktileri arnaıy beınekameralarmen baqylanady.
Bul maqsatta óńirdegi Pavlodar, Ekibastuz jáne Aqsý qalalarynda «Sergek» dep atalatyn 1700-den astam beınebaqylaý qurylǵylary alyndy. Qurylǵylar osy qalalarda qylmys jıi jasalatyn kóshe qıylystary men jol apattary kóbirek oryn alatyn kóshelerge, turǵyn úılerdiń kireberisterine ornatylýda.
Qalalyq jergilikti polısııa qyzmetiniń málimetinshe, oblys ortalyǵynda qazan aıynda ótken «Qaýipsiz jol» aksııasynda 2500-ge jýyq quqyq buzýshylyq tirkelipti. Anyqtalǵandaı, 452 júrgizýshi uıaly telefon qoldansa, jeteýi jyldamdyqty shamadan tys arttyrǵan, al 328-i qaýipsizdik beldikterin taqpaǵan. Bıyl 349 jol-kólik oqıǵasy bolǵan.
Sondaı-aq 63 júrgizýshi kólikti mas kúıinde júrgizip, 186 júrgizýshi baǵdarshamǵa qaramaı ótip ketken. Saldarynan «Qaýipsiz jol» sharasy barysynda 123 kólik aıyppul turaǵyna jetkizilip, jaıaý júrginshige qatysty 521 fakti tirkelgen.
29 qazan men 2 qarasha aralyǵynda «Nazar aýdar, jaıaý júrginshi!» jedel aldyn alý sharasy ótkizilip, nátıjesinde jol qaýipsizdigine jaýapty qyzmetkerlerdiń kómegimen 325 quqyq buzýshylyq anyqtalǵan.
Ákimshilik quqyq buzýshylyq kodeksiniń 600-baby boıynsha 35 adam jaýapqa tartylǵan, 9 júrgizýshi kólikti mas kúıinde júrgizse, 65 jaıaý júrginshi jol erejesin buzǵan.
Sol sııaqty, 18-20 qazan aralyǵynda jol qaýipsizdigin qamtamasyz etý maqsatynda «Avtobýs» jedel aldyn alý sharasy ótkizilip, nátıjesinde 56 ákimshilik hattama toltyrylǵan. Jol-kólik oqıǵasyna qatysty 129 sot isi qaralǵan. Polıseı qyzmeti, sonymen birge oblys ortalyǵy kóshelerine taǵy da qosymsha 14 baǵdarsham ornatý kerek dep otyr.
Joǵaryda biz jazǵan bul málimetter barysy polıseıler qyzmetiniń tynymsyz jumys aýqymyn kórsetedi. Jergilikti polısııa qyzmetiniń basshysy Jasqaırat Qaıyrovtyń aıtýynsha, elimizde endi jol-patrýldik polısııasy ataýy patrýldik polısııa dep ózgermek. Polıseılerdiń kólikteri rasııa, beınekamera, planshet syndy qurylǵylarmen jabdyqtalypty.
О́ńirdegi jol-patrýldik polısııasy qyzmetkerlerinde 74 planshet bar. Bul ákimshilik hattamany toltyrý ýaqytyn únemdeýde. Elektrondy qujattyń tıimdiligi jol boıynda kezdesetin jemqorlyqty joıýǵa tosqaýyl. Mysaly, buǵan deıin ákimshilik hattama 45 mınýt toltyrylsa, qazir bar-joǵy 4 mınýt ketedi.
Qazir quqyq qorǵaý organdarynyń jumysyna ózgerister engizilý kerektigi jıi aıtylýda. Mysaly, elimizdegi qalalarda páter ıeleri kooperatıvterin jańǵyrtý jumysy bastalsa, bul polıseıler qyzmetin jeńildete túsedi.
О́ıtkeni árbir ýchaskelik ınspektordyń qyzmeti osy PIK-termen tyǵyz baılanysty ekeni belgili. Aýlalar óz deńgeıinde jaryqtandyrylsa, qylmys sany da azaıa túsedi. Turǵyn úılerde beınebaqylaýlar men elektrondy qurylǵylar ornatylýda.
Iаǵnı, turǵyndardyń tynysh ómirge degen senimdiligi, jaıly turmysy men qaýipsizdigi polısııanyń qajettiligin, olardyń qyzmetin baǵalaýdyń negizine aınalady degen sóz.
Qazir polıseılerdiń eńbekaqysyn kóbeıýtý jáne turǵyn úımen qamtamasyz etý sharalary júrgizilýde. О́tken jyly jol-patrýldik polısııasynyń jas mamandaryna jataqhana berildi.
Bul kúnderi oblystyq ishki ister departamentiniń jol-patrýldik polısııasy batalony bólimshesi ornalasqan aýmaqta 120 páterli 4 podezdi turǵyn úı salynýda. Polıseıler de «7-20-25» baǵdarlamasyna qatysa alady.
Farıda BYQAI,
«Egemen Qazaqstan»
PAVLODAR