Táýelsizdik merekesi qarsańynda úshinshi megapolıste rejısser Aqan Sataevtyń «Elbasy joly. Astana» fılminiń premerasy ótti. Bul kartına – «Elbasy joly» kınoepopeıasynyń bir bóligi.
«Elbasy joly. Astana» fılminde Qazaqstan elordasynyń qalyptasý tarıhy jáne ony salý úderisindegi Nursultan Nazarbaevtyń basty ról atqarǵany jóninde baıandalady. Kınokartınada 1994 jylǵy shilde aıynda el astanasyn Almatydan Aqmolaǵa kóshirý týraly qabyldanǵan mańyzdy sheshimge baılanysty oqıǵalar kórsetiledi.
Atalǵan fılmde Elbasyn rólin somdaǵan akter - Murat Ahmanov. Kórkem týyndyda memleket basshysynyń syrtqy kelbetin árlegen tanymal gollıvýdtyq grımer Mark Kýler jasaǵan. Sondaı-aq, fılmge tanymal akterlar Azat Seıtmetov, Asqar Ilııasov, Jan Baıjanbaev, Oleg Lı tústi. Bul týyndynyń ssenarıı avtorlary - Ádilbek Jaqsybekov jáne Tımýr Jaqsylyqov. Túsirilim jumystary 2017 jyldyń jeltoqsan aıynda bastalyp, 2018 jyly jazynda aıaqtalǵan.
Fılmniń sońynda qala ákimi Ǵabıdolla Ábdirahymov sóz alyp, atalǵan týyndydan alǵan áserimen bólisti. Shahar basshysy Elbasynyń Astananyń qurylýy men elimizdiń damýynda alar rólin kórsete otyryp baıandaǵalǵan kınokartınaǵa joǵary bara berdi.
Qalalyq otbasy, balalar jáne jastar isteri jónindegi basqarmasynyń uıymdastyrýymen "Shymkent Plaza" saýda-oıyn-saýyq ortalyǵynyń «Cinemax» kınoteatrynda ótken fılminiń kórsetilimine zııaly qaýym ókilderi, depýtattar, ardagerler men qala turǵyndary qatysty.
Nurshat TО́KEN,
«Egemen Qazaqstan»