Qazaqstan Respýblıkasy Táýelsizdizdigi kúnine arnalǵan merekelik sharalar baǵdarlamasy sanalýan taqyryptardy qamtyp, turǵyndarǵa merekelik kóńil-kúı syılady.
Táýelsizdik kúnine baılanysty uıymdastyrylǵan sharalardyń biri S.Muqanov atyndaǵy qazaq-sazdy drama teatrynan bastaý aldy. О́nersúıer qaýym teatr akterlaryn basqa qyrynan tanyǵandaı boldy. Olar sahna tórinde án aıtyp, bı bılep, óleńder oqydy. Oǵan qosa Elbasynyń súıikti ánderi shyrqalyp, «Táýelsizdik–babalardyń armany» konserttik baǵdarlamasy mereke shyraıyn asha tústi.
«Táýelsizdik merekesi jylda óz máninde toılanady. Qaıyrymdylyq, taǵy basqa aksııalar ótkizemiz. Ardagerlerge, kóp balaly otbasylarǵa, jetim balalarǵa qurmet birinshi kezekte kórsetiledi», deıdi trýppa jetekshisi Dáýren Toıbazarov.
Tarıhı-ólketaný mýzeıinde jurtshylyq «Soltústik Qazaqstan oblysy táýelsizdik jyldarynda» atty kórmeni tamashalasa, Qarasaı batyr stadıonynda dopty hokkeıden Qazbek Baıbolovty eske alýǵa arnalǵan respýblıkalyq jarys ótti. Pogodın atyndaǵy orys drama teatry «Shoqan Ýálıhanov» tarıhı dramasyn, oblystyq qýyrshaq teatry «Kúmis tuıaqsha» spektaklin usyndy.
Osy kúni «Sıtı Moll» saýda, oıyn- saýyq ortalyǵy naǵyz merekelik alańǵa aınaldy. Ortalyqtyń basqarýshysy Darıa Shpakovanyń aıtýynsha, turǵyndarǵa arnap oıyn saýyqtyq baǵdarlamasy usynylýmen qatar baǵaly syılyqtar úlestirildi. Taýarlar men azyq-túlik ónimderi arzandatylǵan baǵamen satyldy.
Aýdandarda birqatar áleýmettik-mádenı nysandar iske qosylyp, paıdalanýǵa berildi.
О́mir ESQALI,
«Egemen Qazaqstan»
Soltústik Qazaqstan oblysy