2019 jyly Osh qalasy túrki áleminiń mádenı astanasy dep jarııalandy. Bul týraly sheshim Túrkııanyń Kastamon qalasynda ótken TÚRKSOI elderi mádenıet mınıstrleri turaqty keńesiniń 36-shy otyrysynda qabyldandy, dep habarlaıdy turksoy.org.
TÚRKSOI bas hatshysy Dúısen Qaseıinov uıymnyń atqaryp otyrǵan jalpy jumystary týraly aıtty.
«TÚRKSOI-dyń 25 jyldyq qyzmeti nátıjesinde mádenıet jáne óner salasyndaǵy kóptegen aýqymdy jobalar men is-sharalar bizdiń uıymnyń atymen assosıasııalana bastady. Uıymǵa múshe-elderi mádenıet mınıstrleri turaqty keńesiniń 36 otyrysy ótti. Sýretshilerdiń, fotosýretshilerdiń, ádebıetshilerdiń, ártisterdiń, kompozıtorlardyń jáne basqa da óner ıeleriniń dástúrli kezdesýleri belsendi túrde ótkizilip keledi», dedi Dúısen Qaseıinov.
Otyrys qatysýshylary kún tártibindegi máselelerdi talqylap, sonyń aıasynda túrki áleminiń 2019 jylǵy jańa mádenı astanasy anyqtaldy.