Túrkistandaǵy Qoja Ahmet Iаsaýı kesenesinde HIV ǵasyrda negizi qalanǵan qudyq sýyn halyq asqa paıdalanǵan. Tarıhı derekterde kesene qurylysy aıaqtalǵan soń «jamaǵathana» bólmesindegi alyp Taıqazanǵa sý toltyrylyp, zııaratshylarǵa arnaıy taratylyp otyrǵany aıtylady.
Qudyq HIH ǵasyrdyń bastapqy shıregine deıin jumys istegen. Túrkııanyń «Vakf Inshaat» fırmasynyń kesenege 1992-1999 jyldar aralyǵynda júrgizgen restavrasııalyq jumystaryna baılanysty qudyq sýy múlde jabylǵan bolatyn. Endi mine, araǵa jyldar salyp, «Áziret Sultan» memlekettik tarıhı-mádenı qoryq-mýzeıinde ortaǵasyrlyq tarıhı qudyq iske qosyldy.
Qoryq-mýzeı dırektory Nurbolat Ahmetjanovtyń aıtýynsha, bıylǵy qazan aıynda Túrkistan qalasyna resmı sapary barysynda Memleket basshysy N.Nazarbaev Qoja Ahmet Iаsaýı kesenesine arnaıy at basyn buryp, ortaǵasyrlyq qudyqty halyq ıgiligine jaratyp, iske qosý týraly tapsyrma bergen. Osyǵan oraı, tazartý jumystary júrgizilgen. Qudyq sýynyń quramy barlyq tıisti saraptamalardan ótip, tıisti qujattar daıyndalypty. Búginde kesenege zııaratqa kelýshiler qudyq sýynan shól qandyrýda.
Tarıhı derekkózderde qurylys kezinde sý alý úshin qazylǵan, keıinnen din ıeleri qudyqtan tartylǵan sýdy da shıpaly dep jarııalaǵany aıtylady. Aınalasy dóńgelene kirpishten qalanǵan, dıametri 80 sm qudyqtan sý buryn 7-8 metr tereńdikten shyqsa, qazir jer asty sýlarynyń kóterilýine baılanysty 5-6 metr tereńdikten alynady.
Ǵalymjan ELShIBAI,
«Egemen Qazaqstan»
Túrkistan oblysy