Ortalyq kommýnıkasııalar qyzmetinde «QR Energetıka mınıstrliginiń bekitilgen elektr energııasyn óndirýdegi tarıfterdiń obektıvti deńgeıi» taqyrybyna arnalǵan baspasóz konferensııasy ótti.
Elbasynyń tapsyrmasyna sáıkes Energetıka mınıstrligi elektr energııasyn óndirý tarıfiniń obektıvti deńgeıin belgileý boıynsha jumystar atqardy.
2019 jylǵy 1 qańtardan bastap Qazaqstanda «elektr qýatynyń naryǵy» jumys isteıtin bolady. Elektr energııasynyń quny qýat tarıfi jáne elektr energııasynyń tarıfi bolyp bólinetin bolady. Bólshek tutynýshylar (halyq) úshin elektr energııasyna tólem júıesi ózgerissiz qalady, ıaǵnı tólem, qazirgi ýaqyttaǵydaı, tutynǵan elektr energııasyn esepteıtin aspaptar boıynsha júrgiziledi.
Mınıstrlik elektr qýatynyń naryǵyn engizý sheńberinde elektr energııasynyń tarıfin eki komponenttiń (elektr energııasynyń jáne qýattyń quny) qosyndysy boıynsha tómendetý maqsatynda aýqymdy jumys atqardy.
Birinshi kezeńde normatıvtik-quqyqtyq baza sáıkestikke keltirildi.
Mınıstrlik «Elektr energııasyna shekti tarıfti, teńgerimdeýshi elektr energııasyna shekti tarıfti jáne elektr qýatynyń ázirligin ustap turý boıynsha kórsetiletin qyzmetke shekti tarıfti bekitý qaǵıdalaryna» (Qazaqstan Respýblıkasy Energetıka mınıstriniń 2018 jylǵy 27 qarashadaǵy № 458 buıryǵy) ózgerister engizildi. Bul ózgerister:
- energııa óndirýshi uıymdardyń toptaryn qalyptastyrý ólshemsharttaryn túzetý;
- elektr qýatynyń ázirligin ustap turý boıynsha kórsetiletin qyzmetke shekti tarıfti esepteý formýlasyn ózgertý;
- elektr energııasynyń shekti tarıfterin qalyptastyrý kezinde eskeriletin elektr energııasyn óndirýge jumsalǵan shyǵyndardy naqty reglamentteý úshin jasalǵan.
Energetıka mınıstriniń 2018 jylǵy 29 qarashadaǵy №464 buıryǵymen buryn bekitilgen qýat tarıfiniń shekti shamasy ózgertildi (1 MVt úshin 700-den 590 myń. teńgege deıin tómendetildi).
Qýat tarıfi tómendetilgen kezde Qazaqstanda birinshi ret elektr qýatynyń ortalyqtandyrylǵan saýda-sattyǵy ótkizildi. Saýda-sattyqtyń nátıjesi boıynsha qýat baǵasy shekti deńgeıden 9%-ǵa tómendedi.
Normatıvtik bazanyń ózgeristerine sáıkes Qazaqstan Respýblıkasy Energetıka mınıstriniń 2018 jylǵy 5 jeltoqsandaǵy № 476 buıryǵymen energııa óndirýshi uıymdardyń toptary bekitildi, onda ár energııa óndirýshi uıym bólek topqa anyqtalǵan. Atalǵan sharalar jekelegen elektr energııasyn óndirýshiler úshin joǵary tarıf ornatý múmkindigin joıady.
Mınıstrlik elektr energııasynyń qunyn tómendetý maqsatynda elektr energııasyn óndirýge jumsalǵan shyǵyndardy taldaý boıynsha jumystar júzege asyrdy, elektr energııasyn satatyn barlyq energııa óndirýshi uıymdar tyńdaldy jáne múddeli memlekettik organdarmen birlese otyryp energetıkalyq kásiporyndarǵa barý arqyly jekelegen energııa óndirýshi uıymdarda tekserister júrgizdi.
Atqarylǵan jumystardyń nátıjeleri Prezıdent Ákimshiliginiń, Bas Prokýratýranyń, memlekettik organdardyń jáne Ulttyq kásipkerler palatasynyń ókilderi qatysatyn jumys tobynyń qaraýyna engizildi.
Otyrys barysynda Energetıka mınıstrliginiń tásili tujyrymdamaly qoldaý tapty.
Atqarylǵan jumystardyń nátıjesinde a.j. 14 jeltoqsanda «Elektr energııasyna shekti tarıfterdi bekitý týraly» buıryq qabyldandy.
Energetıka mınıstrligi Elbasynyń a.j. 7 qarashada Qaýipsizdik keńesinde bergen tapsyrmalaryn oryndady.