Oblysta jańa jyldyq mereke kezinde qaýipsizdik sharalaryn kúsheıtýge qatysty jıyn ótti.
Oblys ákiminiń qatysýymen ótken otyrysta jaýapty mekemeler jasalǵan jumystar jaıyn baıandady.
- Jylytý maýsymy óńirde turaqty ótýde. Barlyq 1166 áleýmettik nysan men 763 kópqabatty turǵynúıge jylý berilip, tıisti mekemelerdiń jumysy – «Qyzylorda JEO» MKK, «KREK» AQ, «QazTransGaz Aımaq» jáne «Qyzylorda sý júıesi» shtattyq rejımde jumys istep tur, - dedi oblystyq energetıka jáne turǵyn úı-kommýnaldyq sharýashylyq basqarmasynyń basshysy M.Ýsaın.
Al, Qyzylorda oblysy Tótenshe jaǵdaılar departamentiniń bastyǵy Omar Berjanov «Mereke kúnderi mádenı-kópshilik is-sharalar ótetin oblystaǵy 408 áleýmettik nysanǵa is-sharalar josparyna sáıkes qaýipsizdik sharalaryn qamtamasyz etý boıynsha tekserý júrgizildi. Tótenshe jaǵdaılardyń aldyn alý boıynsha oblystyq komıssııa evakýasııalyq kóshirý joldarynyń jaǵdaıyn, alǵashqy órt sóndirý quraldarynyń jumysqa jaramdylyǵyn tekserdi, qaýipsizdik sharalary týraly halyqty aldyn ala aqparattandyrdy jáne mekemeler men uıymdardyń qyzmetkerlerine nusqaý berip, is - sharalar ótkiziletin oryndarda jedel toptar qurylyp, kezekshilikter uıymdastyrylady», dedi.
Otyrysty qortyndylaǵan oblys ákimi komıssııa múshelerine jańa jyldyq is-sharalardy qaýipsiz ótkizýge júz paıyz daıyndyqty qamtamasyz etýdi tapsyrdy.
Baqtııar TAIJAN,
«Egemen Qazaqstan»
QYZYLORDA OBLYSY