Astanada klassıkalyq shahmattan erler men áıelder jáne 14 jasqa deıingi uldar men qyzdar arasynda Qazaqstan kýbogy jolyndaǵy jarys aıaqtaldy.
Júlde qory 3,7 mıllıon teńgeni quraǵan aıtýly dodada respýblıkamyzdyń 14 jáne shet memleketterden kelgen 6 oıynshy baq synady. Erler arasynda reseılik Dmıtrıı Hegaı top jarsa, aqtóbelik Arystanbek Orazaev pen pavlodarlyq Denıs Mahnıov júldegerler qatarynan kórindi.
Áıelder saıysynda tarazdyq Mádına Dáýletbaeva dara shyqsa, pavlodarlyq Krıstına Kım men astanalyq Dana Tóleeva ekinshi jáne úshinshi oryndy ózara bólisti. Jeńimpaz atanǵan qos oıynshyǵa 400 000 teńgeden syıaqy tabys etildi.
Jas órenderdiń jarysy astanalyq Nógerbek Qazybek pen almatylyq Ásel Lesbekovanyń jeńisimen aıaqtaldy. Olar 100 000 teńgege ıelik etti. Sonymen qatar, jasóspirimder saıysynda bas júldeni oljalaǵan shahmatshylar kelesi jyly Qazaqstan chempıonatynyń fınaldyq básekesinde jáne óz qatarlastary arasynda ótetin álem birinshiliginde kúsh synasý qurmetine ıe boldy.
Ǵalym SÚLEIMEN,
«Egemen Qazaqstan»