Naýyrzym aýdandyq polısııasynyń qyzmetkerleri 6 jylqy urlaǵan urylardy jedel ustady. Maldyń ıesi óristen joǵalǵan jylqysyn endi kórem dep oılamap edi. Aýdandyq polısııa bólimine aryz bergen 68 jastaǵy qarııa malynyń aýyldan 25 shaqyrym jerdegi jaıylymnan joǵalǵandyǵyn aıtady. Ol alǵashqy úsh kún úmitin úzbeı, malyn ózi izdepti. Sosyn nátıje bolmaǵan soń, polısııaǵa júgingen. Joǵalǵan maldyń quny bir mıllıon teńgege jýyq.
Aryz qolǵa túsisimen polıseıler jylqynyń sońyna túsedi. Olar aldymen iz kesedi. Sol arqyly urylardyń jylqyny mashınaǵa artqanyn sezedi. Tynymsyz jumys istegen olar mashına tirkemesin de anyqtaıdy. Ony urylar jergilikti bireýden ýaqytsha surap alǵany belgili bolady. Iz kesýshiler osyndaı jedel jumystyń arqasynda maldy barymtalaǵan aýyldaǵy 49 jáne 35 jastaǵy eki er kisi ekenin tap bastyrmaı dálededi. Mal ıesine qaıtaryldy.
Qazir QK 188-baby boıynsha sotqa deıingi tergeý amaldary júrgizilip jatyr.
Názıra Járimbet,
«Egemen Qazaqstan»
Qostanaı