«Qazaqstan temir joly ulttyq kompanııasy» aksıonerlik qoǵamynyń «Semeı magıstraldyq jeli bólimshesi» fılıaly Serebrıanka jol dıstansııasynyń ústińgi qabatynyń elementterin jóndeý jáne qaıta qalyptastyrý jónindegi telim sheberi, kásipodaq komıtetiniń tóraǵasy Vıktor Mıls Prezıdent Jarlyǵymen úshinshi dárejeli «Eńbek dańqy» ordenimen marapattaldy.
1962 jyly Shyǵys Qazaqstan oblysy Serebrıansk qalasynda qarapaıym jumysker otbasynda dúnıege kelgen Vıktor Mıls 1985 jyldan beri bir orynda taban aýdarmaı eńbek etip keledi eken. Osy jyldar aralyǵynda ol Serebrıanka jol dıstansııasynyń 2-shi razrıadtaǵy kópir jumysshysy, PM-Ch sehynyń brıgadıri, qurylys jáne jol ǵımarattaryn jóndeý sehynyń bastyǵy qyzmetterin atqarypty. «Qazaqstan Respýblıkasy kásipodaqtar federasııasynyń bastamasymen uzaq jylǵy jemisti eńbegi úshin respýblıka boıynsha 7 kásipodaq músheleri osy marapatqa laıyq dep tabyldy. Eren eńbegimen áriptesteri arasynda qurmetke bólengen Vıktor Mılske ordendi Qazaqstan Respýblıkasy kásipodaqtar federasııasy tóraǵasynyń orynbasary Muhtar Tinikeev tabys etti», - deıdi ShQO aýmaqtyq kásipodaqtar birlestiginiń tóraǵasy Meıirhan Tóleýbaev.
Azamat QASYM,
«Egemen Qazaqstan»
Shyǵys Qazaqstan oblysy