Jyl basynan beri 16 laýazymdy tulǵa Ádep kodeksiniń normalaryn buzǵany úshin jaýapkershilikke tartyldy. Bul týraly oblystyq memlekettik qyzmet isteri jáne sybaılas jemqorlyqqa qarsy is-qımyl jónindegi departamenti uıymdastyrǵan brıfıngte aıtyldy.
Qazirgi tańda Aqmola oblysy boıynsha shamamen 6 myń memlekettik qyzmetshi bar. Olardyń jartysyna jýyǵy jergilikti atqarýshy organdar júıesinde qyzmet etedi. Osyǵan baılanysty brıfıngte merıtokratııa qaǵıdasynyń jumysy týraly aıtyldy. Bul memlekettik organdarǵa eń qýatty mamandardy tartýǵa múmkindik berdi. Jyl basynan beri myńnan astam adam Qazaqstan Respýblıkasy Prezıdentiniń janyndaǵy Memlekettik basqarý akademııasynda bilim aldy. Suhbat barysynda jaýapty sala jetekshisi memlekettik qyzmetshilerdiń quqyqtaryn qorǵaý týraly sóz qozǵady.
–Memlekettik qyzmetshilerdiń quqyqtaryn qorǵaý bizdiń basty mindetterimizdiń biri. Memlekettik qyzmetkerler tek bekitken ýaqytqa sáıkes jumys isteýge tıis. Biz shamadan tys jumys isteıtin memlekettik organdardy anyqtadyq. Qazirgi tańda osyndaı júktemeniń nege baılanysty ekenin jáne memlekettik qyzmetshilerge júktelgen mindetter qanshalyqty durys ekenin anyqtap jatyrmyz. Memlekettik qyzmetshige durys jumys isteý úshin jaǵdaı jasalýy kerek,–dedi oblystyq memlekettik qyzmet isteri jáne sybaılas jemqorlyqqa qarsy is-qımyl jónindegi departamentiniń jetekshisi Bergen Bespalınov.
Baıqal BAIÁDIL,
«Egemen Qazaqstan»
Aqmola oblysy