Samarqanda Aýǵanstannyń qatysýymen «Úndistan - Ortalyq Azııa» Dıalogy sheńberinde Qazaqstan Respýblıkasy, Aýǵanstan Islam Respýblıkasy, Úndistan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan jáne О́zbekstan Respýblıkasy Syrtqy ister mınıstrleriniń alǵashqy kezdesýi ótti. Bul týraly Syrtqy ister mınıstrliginiń baspasóz qyzmeti habarlady.
Is-sharada sóılegen sózinde Qazaqstan Syrtqy ister mınıstri Beıbit Atamqulov «Bizdiń Memleket basshymyz Nursultan Nazarbaev aımaqtaǵy eldermen tatý kórshilestik jáne odaqtastyq qatynastardy nyǵaıtýǵa únemi nazar aýdarady, al Ortalyq Azııa elderiniń geografııalyq jáne mádenı-tarıhı jaqyndyǵy, dástúrli ornatylǵan óndiristik baılanystar, ekonomıkanyń birtutastyǵy Ortalyq Azııa elderiniń arasynda tereń ıntegrasııadan basqa balama qaldyrmaıdy», - dep atap ótti.
Qazaqstan SIM basshysy Ortalyq Azııa elderi men Úndistandy jaqyndastyrýǵa, sondaı-aq Ortalyq Azııa elderi ekonomıkasynyń ósýine serpin beretin ótken kezdesýdiń mańyzdylyǵyn atap ótti. «Astana Hub» Halyqaralyq IT startaptar tehnoparki men «Astana» Halyqaralyq qarjy ortalyǵynyń múmkindikterin paıdalana otyryp, Úndistanmen medısına, farmasevtıka, jańa tehnologııalar jáne qarjy salasyndaǵy birlesken jobalardy júzege asyrý qajettiligi atap ótildi. Aımaqtyń tranzıt-kóliktik áleýetin arttyrý maqsatynda Ortalyq Azııa - Úndistan baǵytyndaǵy júkterdi tasymaldaý úshin Qazaqstan - Túrikmenstan - Iran jáne Qazaqstan - О́zbekstan - Túrikmenstan - Iran temirjol marshrýttaryn Chabahar portymen baılanystyratyn barlyq Ortalyq Azııa elderiniń qatysýymen konsorsıým qurý ıdeıasy aıtyldy.
Is-shara barysynda ekonomıkalyq, mádenı-gýmanıtarlyq yntymaqtastyq, sondaı-aq Aýǵanstannyń turaqtandyrý jáne ekonomıkalyq damýyna yqpal etý máseleleri talqylandy. Atap aıtqanda, ózara saýda-sattyqty belsendetý, iskerlik assosıasııalardyń tikeleı baılanystaryn keńeıtý, Ortalyq Azııa elderiniń tranzıt jáne kólik-kommýnıkasııalyq áleýetin damytý, halyqaralyq jáne aımaqtyq kólik dálizderin qurý boıynsha birlesken bastamalardy alǵa jyljytý, úndistandyq ınvestısııalar, ınnovasııalar jáne tehnologııalardy Ortalyq Azııa elderine tartý máseleleri qozǵaldy, onyń ishinde ónerkásip, energetıka, aqparattyq tehnologııalar, farmasevtıka, aýyl sharýashylyǵy jáne t.b.
Kezdesý qorytyndysy boıynsha Dıalogqa múshe-elderiniń syrtqy ister mınıstrleri Birlesken málimdeme qabyldady. Taraptar Úndistan men Ortalyq Azııa elderiniń arasyndaǵy dostyq qarym-qatynastar men ózara tıimdi yntymaqtastyqtyń serpindi jáne jemisti damýyn atap ótip, aımaqty qaýipsiz, turaqty jáne ornyqty damytý maqsatynda aımaqtyq yntymaqtastyqty, ózara qoldaýdy, ózekti máselelerdi birlesip sheshýdi rastady.
«Úndistan - Ortalyq Azııa» Dıalogy sheńberindegi alǵashqy mınıstrlik kezdesýdi ótkizý týraly usynys aldynda 2012 jyldan beri ótkiziletin sarapshylar deńgeıindegi birqatar kezdesý boldy. Osyndaı kezdesýlerdi ótkizý týraly bastamany Úndistannyń Syrtqy ister mınıstrligimen birlese otyryp Úndistannyń Halyqaralyq ister jónindegi keńesi (Indian Council of World Affairs, ICWA) usyndy.