Qazaqstanda jabaıy tabıǵattaǵy qar barystaryn saqtaý men esepke alý ádisteri kúsheıtiletin bolady. Bul týraly Almaty zoobaǵy dırektorynyń keńesshisi Erjan Erkinabev Instagram jelisindegi paraqshasynda jazdy.
Onyń aıtýynsha, taıaýda Snow Leopard Foundation halyqaralyq qory jumysynyń belsendi fazasyn bastady. Qor maqsaty - Qazaqstandaǵy qar barysynyń popýlıasııasyn qalpyna keltirý. Bul maqsatta uıym qyzmetkerleri brakonerlerden alynǵan jaraly barystarǵa arnalǵan qalpyna keltirý ortalyǵyn jáne olardy qaıta jabaıy tabıǵatqa jiberýge daıyndaıtyn tálimbaq ashýǵa nıetti. Sondaı-aq qordaǵylar tabıǵattaǵy qar barystaryn eseptep, saqtaýdyń ádisterin kúsheıtkeli otyr.
«Fotoqaqpannyń arqasynda sany qansha ekenin anyqtap, ID pasportyn jasap, ár barysqa at beremiz. Sóıtsek, fotoqaqpanda sım-karta bar eken, ol sýretti keńsege dereý jiberedi. Qazaqstanda júzge jýyq barys bar shyǵar, al fotoqaqpanymyz bolǵany óńirde 15-aq. Zoologııa ınstýtymen jáne Ulttyq saıabaqpen birlesip, ádisteme jasap, osy janýardy esepke alý men saqtaýdyń qajetti tehnıkasyn satyp alǵymy kelip otyr», - deıdi E.Erkinbaev.
Aıta keteıik, baǵdarlamany negizin Nuráli Álıev qalaǵan Snow Leopard Foundation qory qarjylandyrady. Onyń jetekshiligimen Qazaqstandaǵy qar barystaryn saqtap qalýǵa arnalǵan KingdomofSnowLeopard jobasy iske qosylǵan.
Nuráli Álıevtiń aıtýynsha, ol osy qordy ashý ıdeıasyn kóp oılap, Qazaqstanda aldaǵy ondaǵan jylǵa qar barystarynyń popýlıasııasyn qalpyna keltiretin osyndaı joba qurý qajet dep taýypty. «Qar barysy - táýelsiz Qazaqstannyń sımvoly. Alaıda shırek ǵasyrǵa jetpeıtin ýaqytta Qazaqstanda onyń popýlıasııasyna 40 paıyzǵa qysqaryp qalǵan», - dep atap ótti ol.