Qyrǵyzstan prezıdenti Sooronbaı Jeenbekov «2017 jylǵy 25 jeltoqsanda Astana qalasynda qol qoıylǵan Qazaqstan-Qyrǵyzstan memlekettik shekarasyn demarkasııalaý týraly Qazaqstan Respýblıkasy men Qyrǵyzstan Respýblıkasy arasyndaǵy shartty ratıfıkasııalaý týraly» Zańǵa qol qoıdy. Bul týraly Qyrǵyzstan Respýblıkasy prezıdenti apparatynyń aqparattyq saıasat bólimi habarlady.
Atalǵan Zań jobasyn 2018 jyly 6 jeltoqsanda Jogorký Kenesh qabyldaǵan bolatyn. Bul Zań memleketishilik rásimderdi «Qyrǵyzstan Respýblıkasynyń halyqaralyq sharttary týraly» Qyrǵyzstan Respýblıkasynyń Zańyna sáıkes keltirý maqsatynda qabyldandy.
Qabyldanǵan Zańnyń 2-babynda Qyrǵyzstan Respýblıkasynyń Syrtqy ister mınıstrligine joǵaryda kórsetilgen sharttyń kúshine enýi úshin qajetti memleketishilik rásimderdi oryndaý týraly Qazaqstan tarapyna habarlaý tapsyrylady.
Zań resmı jarııalanǵan kúninen bastap kúshine enedi.