Ortalyq kommýnıkasııalar qyzmetinde 2018 jyl boıynsha QR Qarýly Kúshteriniń qyzmet qorytyndysyna arnalǵan baspasóz konferensııasy ótti. Oǵan QR Qorǵanys mınıstriniń orynbasary general-leıtenant Talǵat Muhtarov qatysty.
Jýrnalıstermen kezdesý barysynda Qorǵanys mınıstriniń orynbasary QR QK-degi QR Prezıdentiniń jyl saıynǵy Joldaýynyń iske asyrylý barysy, Qazaqstan armııasy áskerı qyzmetshileriniń áleýmettik qamtamasyz etilýi, bitimgershilik qyzmet, jaýyngerlik daıarlyq barysy týraly aıtyp berdi, sondaı-aq BAQ ókilderiniń suraqtaryna jaýap berdi.
2018 jyl QR QK úshin jaqsy kórsetkishtermen aıaqtaldy. QK aldynda turǵan negizgi mindetter oryndaldy. О́tkizilgen is-sharalar elimizdiń qorǵanys qabiletin nyǵaıtyp, áskerı qyzmettiń bedelin arttyrdy, QK-nyń jaýyngerlik ázirligi men jaýyngerlik qabiletiniń qajet etiletin deńgeıin qamtamasyz etti.
Jaýyngerlik daıarlyqtyń 116 is-sharasy, 2313 jaýyngerlik oq atý, 664-ten asa taktıkalyq oqý-jattyǵý ótkizildi. Jumyldyrý daıarlyǵy aıasynda 12 komandalyq-shtabtyq jumyldyrý oqý-jattyǵýy ótkizildi.
Joǵary bilikti áskerı kadrlardy daıyndaý bilim berýdiń barlyq deńgeılerinde serjanttan bastap generalǵa deıin oqyp-úırenýshilerdiń sabaqtastyq daıyndyǵyn qamtamasyz etetin 9 áskerı oqý ornyn qamtıtyn áskerı bilim berýdiń biryńǵaı kóp deńgeıli júıesinde ótkiziledi.
QK-degi tárbıe jáne ıdeologııalyq jumys júıeli negizde júrgiziledi jáne áskerı tártipti, quqyq tártibin nyǵaıtýǵa, áskerı qyzmetshilerdiń konstıtýsııalyq paryzǵa adal bolýyna, patrıotızm sezimi men qolbasshylyq buıryqtarynyń múltiksiz oryndalýyna tárbıeleýge baǵyttalǵan. Júrgizilgen jumys nátıjeleri boıynsha quqyq buzýshylyqtyń sany 9%-ǵa tómendedi.
QR Prezıdentiniń «Rýhanı jańǵyrý» baǵdarlamasynyń rýhanı-adamgershilik jańǵyrýyna bergen qarqynynyń arqasynda áskerı-patrıottyq tárbıe berýdiń júıesi jetildirilýde. Oqýshylardyń patrıottyq sana-sezimin, belsendi azamattyq ustanymdy jáne Otanǵa adal qyzmet etýge ázirlikti qalyptastyrý úshin QM Ulttyq áskerı-patrıottyq ortalyǵy janynda barlyq óńirlerdegi fılıaldarmen «Jas sarbaz» respýblıkalyq áskerı-patrıottyq qozǵalysy quryldy. 2020 jylǵa deıin áskerı-patrıottyq jumysty jetildirýdiń «Ultjandy sarbaz» tujyrymdamasynyń jobasy ázirlendi. Áskerı qyzmetshilerdiń baspana jaǵdaıyn jaqsartý maqsatynda turǵyn úımen qamtamasyz etýdiń jańa modeli qoldanysqa engizildi. 2018 jylǵy 01.01. bastap aı saıyn áskerı qyzmetshilerdiń jeke arnaıy shottaryna ekinshi deńgeıli bankterde áskerı qyzmettegi eńbek ótiline qaramastan áskerı qyzmetshilerge turǵyn úı tólemderi aýdarylady. 2000-ǵa jýyq áskerı qyzmetshi jeke menshik baspanalaryna qol jetkizdi, 40 000-nan joǵary áskerı qyzmetshi turǵyn úı tólemderimen qamtamasyz etildi.
QM qyzmetiniń mańyzdy aspektileri qatarynda halyqaralyq áskerı yntymaqtastyq bolyp otyr. Áskerı sala, qarý-jaraq pen áskerı bilimdi baqylaý, sondaı-aq áskerı-tehnıkalyq saladaǵy 600-den asa halyqaralyq is-shara iske asyryldy.
Bitimgershilik bastamalardy iske asyrý sheńberinde Qazaqstan bitimgershilik polkiniń qurama bitimgershilik rotasy (120 adam) «Lıvandaǵy BUU-nyń ýaqytsha kúshteri» mıssııasyna joldandy. Onda úndi bólimshelerimen birlese tapsyrmalardy oryndaýda.
Qazaqstan Qarýly Kúshteriniń qazirgi zamanǵy bet-beınesi - bul jınaqy jáne joǵary utqyr armııany qurý jónindegi Joǵarǵy Bas qolbasshy Nursultan Ábishuly Nazarbaevtyń tapsyrmalarynyń iske asyrylýynyń nátıjesi. Búginde QK-nyń jaýyngerlik áleýeti men múmkindikteri ishki turaqtylyqty, elimizdiń egemendigi men táýelsizdiginiń qarýly qorǵanysyn qamtamasyz etý úshin jetkilikti dep senimmen aıtýǵa bolady.