Almaty oblysyndaǵy et óndirisiniń kólemi 3,7 prosentke ósip, eksportqa 1000 tonna et jóneltilgen. Bul baǵyttaǵy jumystardy damytý úshin qazir aımaqta 5 et kombınatynyń qurylysy júrip jatyr.
Jańadan ashylatyn et kombınattarynyń ónim daıyndaý qýattylyǵy táýligine 91 000 tonna bolady dep kútilýde. Iаǵnı, jaqyn kúnderi iske qosylatyn «Imperııa Fýd» kásiporyny 8 000 tonna, «Lýnıýan-Jetisý» men «Qaıyńdy» et zaýyttary 16 000 tonna, «Inalca» kásiporyny 21 000 tonna jáne «Baýman» et jáne et ónimderi zaýyty 30 000 tonna etti táýligine óndirip, ishki-syrtqy naryqqa shyǵarmaqshy.
- Elbasy eńbek ónimdiligin jáne aýyl sharýashylyǵy salasyndaǵy óńdelgen ónim eksportyn 2022 jylǵa qaraı 2,5 ese ulǵaıtý týraly tapsyrma bergen bolatyn. Bul baǵytta Almaty oblysyndaǵy eksport úlesi soıanyń, kúnbaǵystyń, ýyttyń, krahmal ónimderiniń, balyq pen balyq ónimderi eksportynyń ósýi esebinen 37 prosentke ósti. Tabys 57 mln. AQSh dollaryna deıin ulǵaıdy. Al et eksportyna suranys jyl saıy nartyp keledi. Byltyr sıyr etin daıyndaý 7 prosentke ósip, eksport kólemi 1000 tonnaǵa jetti, - dedi Almaty oblysynyń ákimi Amandyq Batalov.
Qalmahanbet MUQAMETQALI,
«Egemen Qazaqstan»
Almaty oblysy