Almaty oblysynyń qorǵanys isteri jónindegi departamentiniń jeke quramy destrýktıvti dinı uıymdarǵa tán erekshelikter týraly dáris tyńdady.
Áskerılermen áńgime ótkizgen Taldyqorǵan garnızony áskerı polısııasy bóliminiń aǵa ofıseri, ádilet maıory Erjan Madımarov elimizdiń aýmaǵynda zańmen tıym salynǵan uıymdarǵa múshe bolý «Qylmystyq Kodekstiń» 255, 256, 257, 259, 260 baptaryna sáıkes jaýapkershilik júkteıtinin túsindirdi.
- Destrýktıvti dinı uıymdar tóndiretin qaýip-qater nashaqorlyqtan kem túspeıdi. Ǵalymdar sektalyq jınalys kezinde qan quramynan bólinip shyǵatyn endorfın gormondary adam aǵzasyna esirtki jáne psıhotropty zattyń áserimen birdeı bolatynyn dáleldegen, - dedi kezdesýde ádilet maıory E.Madımarov.
Ádilet maıorynyń aıtýynsha, sektaǵa jańa kirgen adamnyń kózqarasy onda uzaǵyraq bolǵandarǵa qaraǵanda múldem bólek bolatyn kórinedi. Onyń uıymǵa tezirek úırenip ketýi úshin basqa músheleri baryn salyp, jańa músheni barynsha qoldaýmen bolady. Mundaı qarym-qatynasqa zárý adam ózge qajettilikteri men tilekterinen birden bas tartyp, jańa ortaǵa tez beıimdele bastaıdy. Osylaısha otbasynyń ornyn sekta almastyrady eken.
- Jalpy, álemdegi sektalyq uıymdardyń sanyn dóp basyp aıtý qıyn. Amerıka áleýmettanýshylary óz elindegi sektanyń sanyn 3 myńnan asyp jyǵylatynyn, ondaǵy adam sany 11 mln shamasyna jetkenin aıtyp dabyl qaǵýda. О́kinishtisi sol, Qazaqstanda da astyrtyn jumys júrgizip, qatarlaryn tolyqtyryp jatqan sektalyq uıymdar az emes. Alańdatarlyǵy, olardyń quramyna kiretin 2 mln-ǵa jýyq adam 25 jasqa deıingi jastar ekeni anyqtaldy. Ásirese, úlken qalalarda dástúrli emes din ókilderi belsendi túrde jumys júrgizýde. Bizdiń esebimiz boıynsha, Almaty oblysynda áskerı qyzmet ótkeretin qyzmetshiler arasynda ekstremıstik, terrorıstik uıymdarǵa qatysy bar adamdar anyqtalmady, - de ıdi Almaty oblysynyń qorǵanys isteri jónindegi departamentiniń baspasóz hatshysy Janar Ámirjanova.
Qalmahanbet MUQAMETQALI,
«Egemen Qazaqstan»
Almaty oblysy