Sársenbi, 26 qyrkúıek 2012 7:03
«Men, sen jáne ol – biz salamatty el!» atty uranmen Shymkent qalasynyń, Ordabasy alańynda «Densaýlyq festıvali» aksııasy óz deńgeıinde ótti
Negizgi maqsaty ár adamnyń óz densaýlyǵyna jaýapkershiligin arttyrý, tıimdi tamaqtanýdy ádetke aınaldyrý, zııandy ádetten aýlaq bolý, dene belsendiligimen aınalysýdy, jalpy qoǵamdy salamatty ómir mádenıetin qalyptastyrýǵa nasıhattaý bolyp tabylady.
Sársenbi, 26 qyrkúıek 2012 7:03
«Men, sen jáne ol – biz salamatty el!» atty uranmen Shymkent qalasynyń, Ordabasy alańynda «Densaýlyq festıvali» aksııasy óz deńgeıinde ótti
Negizgi maqsaty ár adamnyń óz densaýlyǵyna jaýapkershiligin arttyrý, tıimdi tamaqtanýdy ádetke aınaldyrý, zııandy ádetten aýlaq bolý, dene belsendiligimen aınalysýdy, jalpy qoǵamdy salamatty ómir mádenıetin qalyptastyrýǵa nasıhattaý bolyp tabylady.
Árbir adamnyń qımyl-qozǵalyssyz, sportsyz uzaq ómir súrý múmkin emestiginiń dáleli retinde, salamatty ómir saltyn qalyptastyrýdy ózińnen bastaýyń kerek, dep Ońtústik Qazaqstan oblysynyń ákimi A. Myrzahmetov aǵymdaǵy jyldyń 7 qyrkúıeginde uzyndyǵy 50 metrdi quraıtyn basseıinde júzýden densaýlyq festıvaline qatysty. 8 qyrkúıek kúni «Densaýlyq festıvali» sportty nasıhattaý maqsatynda Shymkent temir jol vokzalynan «Táýelsizdik» monýmentine deıin 1600 shaqyrymda júgirý marafonymen jalǵasty.OQO ákiminiń orynbasary B. Najmetdınuly bastaǵan marafonǵa, oblys basqarmalary men departament basshylary, sportshylar, joǵary oqý oryndary jáne kolledj stýdentteri, sonymen birge velosportshylar atsalysty.Ulttyq sporttyń barlyq túri kórsetilip, sharshy alańdarda qyzý jarys boldy. Sportshylar ónerlerimen tánti etti.Sonymen qatar, is-shara barysynda «ÁKEM, ANAM jáne BIZ» degen atpen egizder arasynda otbasylyq estafetasy oınalyp, oqýshylardyń jemis-jıdekterden jasalǵan túrli kompazısııalarynyń kórmesi boıynsha mekteparalyq «Kúz syıy» baıqaýy ótkizildi.Festıval barysynda jergilikti turǵyndar úshin medısınalyq qalashyq uıymdastyryldy. Oblystyq, qalalyq emdeý medısınalyq mekemeleriniń bilikti medısına qyzmetkerleri turǵyndar men qonaqtarǵa tegin keńester berip, ÝDZ, flıýrografııa, stomatologııalyq qyzmet, qannyń quramyndaǵy glıýkozany anyqtaý, EKG apparattary jumys istedi.Tipti oblystyq qan ortalyǵy turǵyndardyń qan tobyn anyqtaýmen birge birneshe erikti donorlardy qabyldady. Al ol kisilerdiń tapsyrǵan qandary birneshe jannyń ómirin saqtap qalýǵa sebepshi bolǵanyn aıta ketý kerek. Salamatty ómir saltyn qalyptastyrý maqsatyndaǵy aqparattyq tanymdyq materıaldar taratylyp, úgit-nasıhat jumystary joǵary deńgeıde ótti.«Ordabasy» alańy merekege saı bezendirilip, mýzykalyq kúı taspadan sazdy áýender tógilip, konserttik baǵdarlamalar júrgizilip, ánshiler men bıshiler jurtshylyqty rıza etti.Atalmysh is-shara Ońtústik Qazaqstan oblysynyń 14 aýdanynda bir mezette ótkizildi. Atap aıtsaq – aksııa barysynda Saryaǵash aýdanynda «Asyq oıyndary», «Qazaqsha kúres», «Jaıaý júris» saıystary ótkizilse, Arys, Otyrar, Túrkistan qalalarynda sporttyq bı, basketbol, shaǵyn fýtbol, voleıbol, qol kúresi, arqan tartý jarystary uıymdastyryldy. Al Kentaý qalasynda is-shara 14 kezeńnen turatyn jeńil atletıka túrinde ótse, Ordabasy aýdany velosıped, skeıtbord, rolıktermen jarys ótkizdi. Báıdibek aýdanynda 10 mınóttik aerobıkalyq jattyǵý jasalynyp, «Qara jorǵa» bıi bılense, Túlkibas aýdanynda «Urpaqtan-urpaqqa ósıet» atty qoıylym men sýret salý baıqaýy ótip, balabaqsha búldirshinderi elimizdiń beıbitshiligin nyq ustaý nıetimen kók jıekke sharlar ushyrdy.Al Tólebı, Shardara, Maqtaaral, Qazyǵurt, Saıram, Sozaq aýdandarynda aksııaǵa jınalǵandar deneshynyqtyrý gımnastıkasyn jasap, 2400 m. qashyqtyqqa júgirip ótti.Aýqymy jyldan-jylǵa keńeıe túsken bul shara ómirsheńdigin osylaısha dáleldep berdi.Janat TOǴAIBEKOVA,oblystyq salamatty ómir saltyn qalyptastyrý ortalyǵynyń dırektoryShYMKENT.