Dúnıejúzi qazaqtary qaýymdastyǵy Tóraǵasynyń birinshi orynbasary Zaýytbek Turysbekov áıgili sáýletshi, eltańba avtory Jandarbek Málibekov pen túrkitanýshy ǵalym, f.ǵ.d. Qarjaýbaı Sartqojaulyn qabyldady. Kezdesý barysynda eltańba avtory Zaýytbek Qaýysbekulyna rámizdiń (eltańbanyń) latyn qaripterimen órnektelgen jańa nusqasyn tabystady.
«Bul rámizdi jasaǵan kezde Tashkentte turdym. О́zińiz de ol ólkede kóp boldyńyz. Saparlaryńyzdyń birinde qalanyń qaq ortasynda qaraýsyz qalǵan Tóle bı babanyń basyna záýlim kesene turǵyzyp, mańaıyn abattandyrǵan azamatsyz. Aıtpaǵym, osy eltańbanyń shyǵýynda Tóle bı baba rýhynyń qoshtaý-qoldaýy bar dep bilemin. Siz, óz kezeginde, sol baba zıratynyń umyt qalmaýyna áser etken adamsyz. Sondyqtan sizge aıtar alǵys mol. Elimiz qazir latyn álipbıine kóship, eltańbamyzǵa birshama ózgeris endi, bilesiz. «Qazaqstan» sózi jańa qariptermen órnektelgen rámizdiń bireýin ózińizge tapsyrýdy jón sanap otyrmyn. Tórińizde turǵanyn qalar edim. Eltańbamyz tek qana Qazaqstandaǵy qazaqtar úshin ǵana emes, jalpy dúnıejúzi qazaqtary úshin Atajurttyń tańbasy bolyp tursyn degen nıetimnen dep uǵyńyz», - dedi Jandarbek Málibekov.
Sondaı-aq sáýletshi DQQ Tóraǵasynyń birinshi orynbasaryna eltańbamen qatar rámizdiń jasalý tarıhy, ondaǵy tańba-belgiler jaıyndaǵy kitapty da syıǵa tartty.