Maqsat – aıqyn, mindet – zor

Maqsat – aıqyn, mindet – zor

Senbi, 3 naýryz 2012 7:28

Elbasymyz ótken jylǵy Qazaq­stan halqyna arnaǵan Joldaýynda túr­lijárdemaqy, tólemaqylarmen shektelmeı, jumyssyzdyqpen naqtytúrde kúresý kerektigin qadap aıtqan bolatyn. Soǵan oraı respýblıkaúkimetiniń qaýlysy da shyǵyp, elimizdiń jer-jerinde jumyspenqamtamasyz etý ortalyqtary qurylǵan-dy. Sonyń biri Semeıdegijumyspen qamtamasyz etý ortalyǵy kommýnaldyq memlekettikmekemesiniń dırektory Tursynbek Shınjınge jolyǵyp, jańa mekemenińjumysy týraly aıtyp berýin ótingen edik.

 

Senbi, 3 naýryz 2012 7:28

Elbasymyz ótken jylǵy Qazaq­stan halqyna arnaǵan Joldaýynda túr­lijárdemaqy, tólemaqylarmen shektelmeı, jumyssyzdyqpen naqtytúrde kúresý kerektigin qadap aıtqan bolatyn. Soǵan oraı respýblıkaúkimetiniń qaýlysy da shyǵyp, elimizdiń jer-jerinde jumyspenqamtamasyz etý ortalyqtary qurylǵan-dy. Sonyń biri Semeıdegijumyspen qamtamasyz etý ortalyǵy kommýnaldyq memlekettikmekemesiniń dırektory Tursynbek Shınjınge jolyǵyp, jańa mekemenińjumysy týraly aıtyp berýin ótingen edik.

– Memleket basshysynyń Qazaq­stan halqyna arnaǵan bıylǵyJoldaýynda keleli on másele qoz­ǵalsa, sonyń ishindeqazaqstandyqtardyń jumysqa tartylýy birinshi kezekte qarastyrylǵanybelgili, – dep bas­tady óz sózin Tursynbek Dúısen­baı­uly. – Munyń óziqazaq­stan­dyq­tardy jumyspen qamtý má­selesiniń Elbasymyzdyńturaqty nazarynda ekendigin kórsetse kerek.

Soǵan oraı, ótken jyldyń ortasyna qaraı is-sharalar jospary bekiti­lip, ile «Semeı qalasy ákimdiginiń ju­myspen qamtý ortalyǵy» kommý­nal­dyq memle­kettik mekemesi quryldy. Munyń syrtynda «Jumyspen qamtý baǵdarla­ma­syn» iske asyrý jónindegi qalalyq komıssııa jasaqtaldy. Osydan keıingi jer­de jańa mekemeniń maqsaty men min­detin qalyń buqaraǵa jetkizýge kúsh saldyq. Osy maqsatpen jergilikti aq­parat quraldarynyń kúshi­ne súıendik. Sonymen birge, qala kóshelerinde syrt­qy jáne vızýaldy jarnamalardy – ja­ryq tablolaryn, bannerler men sten­di­lerdi ornatý ju­mystary tezdetip qolǵa alyndy. Or­talyq ǵımaraty da talapqa saı be­zen­dirildi. Atalǵan baǵdarla­ma­nyń negiz­gi úsh baǵyty aýyldy jerlerde de keńinen nasıhattaldy.

Baǵdarlamany iske asyrý maq­saty­men ortalyqta, sondaı-aq azamattarǵa keńes berý qyzmeti ashyldy. Kún tár­tibindegi másele boıynsha mekeme, uıym basshylarymen, aýyldyq okýrg­ter­diń ákimderimen semınar-jınalys­tar, dóń­ge­lek ústelder jıi ótkizile bastady. Osyndaı júıeli jumys­tardyń nátıje­sinde jyl aıaǵyna deıin orta­lyqqa eki myńǵa jýyq adamnan ótinish tústi. Onyń ishinde óz betinshe ju­mys­pen aınalysyp jatqandar da, ju­myspen az qamtylǵandar da, múlde jumyssyzdar da barshylyq edi. Bu­lar­dyń arasynda jastar men áıelder de az bolmady.

Jumyspen qamtý baǵdarla­ma­sy­nyń úsh baǵyttan turatyny belgili. Birinshi pılottyq baǵyt sheńberinde baǵdar­la­maǵa qatysýshylarmen myń jarymnan astam shartqa qol qoıyldy. О́tken jyly memlekettik tapsyrys boıynsha belgilengen mejeden tys júz elýden as­tam kásiptik daıarlaýǵa qabyldandy. Olar 42 mamandyq boıynsha 21 oqý ornynda oqyp jatyr. Al qaıta daıarlaý jáne biliktilikti kóterý kýrstarynda bes júzden astam adam bilim aldy. Sonyń úsh júz elýden as­tamy jumysqa ornalastyryldy.

Baǵdarlamaǵa qatysýshylardy ju­mys­qa ornalastyrý maqsatynda 128 jumys berýshimen nıet hattamalaryna qol qoıylyp, segiz júzge jýyq adam jumyspen qamtamasyz etildi. О́tken jyldyń ekinshi jartysynda osy ju­mysqa dep respýblıkalyq bıýdjetten bólingen qarjy tutasymen ıge­ril­di. Al baǵdarlamanyń ekinshi baǵyty al­daǵy úsh jyldy qamtysa, osy maq­sat­pen ortalyq aýyldy jerde ju­mys­syz­dyqpen kúresti bastap ketti. Baǵ­dar­lamaǵa qatysýshylardyń sapyna kelip qosylǵan júzden astam adamnyń basym deni shaǵyn nesıe alýǵa tilek bil­dirip otyr. Al ótken jyly shaǵyn nesıe alýǵa bólingen qarjy da tuta­sy­men ıgerilgen bolatyn.

Aýyldy jerde mal sharýashy­ly­ǵyn damytý maqsatymen – 83, kókónis ósi­rý­di órkendetýge arnalǵan – 3, al sha­ǵyn naýbaıhana, shashtaraz ashýǵa ar­nalǵan bes bıznes joba qabyldanyp otyr.

Baǵdarlamanyń úshinshi baǵyty bo­ıynsha halyqty ekonomıkalyq áleýeti tómen eldi mekenderden ekonomıkalyq ósý ortalyqtaryna kóshirý qaras­ty­rylǵan. Semeı óńiri boıynsha alty eldi meken esepke alynyp otyr. Olarda qonys aýdarýǵa tıis elý úsh otbasy anyqtalǵan. Semeıde soǵan oraı elý úıdiń qurylysy bastalyp ketti. Bas­tap­qyda jalǵa beriletin bul úılerdiń baǵasy óte tómen. Keıin ony satyp alyp jekeshelendirýge de bolady.

Elbasy bıylǵy Joldaýynda ju­mys­pen qamtý baǵdarlamasynyń úsh baǵyty bıyl odan ári jalǵasyn tabatynyn aıtty. Bıyl kásiptik oqy­tý­ǵa 325, al qaıta daıarlaý men bilik­tilikti arttyrýǵa bes júz adam jiberý jos­par­landy. Bes júz adam ýaqytsha áleý­mettik jumys oryndaryna qabyldan­baq. Bıylǵy jyly 135 adamǵa eki júz mıllıon teńgeden astam nesıe beril­mek. Al úshinshi baǵyt boıynsha qolǵa alynyp jat­qan ıgi jumysty joǵa­ry­da aıtyp úl­gerdik. Ekonomıkalyq áleýeti tó­men eldi mekenderden qalaǵa qo­nys aýdarýshylar kóshine 9,908 mıllıon teńge sýbsıdııa qarastyrylǵan.

Mine, osynyń bári aıtqanǵa ǵana ońaı. Biraq álemdik daǵdarystyń ekin­shi tolqynyna qaramastan Úki­meti­miz­diń batyl qadamǵa baryp otyrǵany kóp nárseni ańǵartsa kerek. Iá, Úkimet te, jergilikti bılik te Elbasy Joldaýynda aıtylǵan mindetterdi júzege asyrý maqsatymen iske kirisip ketti. Al endigi sharýa ózimizge baılanysty. Sondyqtan bir jaǵadan bas, bir jeń­nen qol shyǵara jumys isteý kerek dep bilemiz.

– Áńgimeńizge rahmet.

Áńgimelesken Dáýlet Seısenuly.

Semeı.