31 jastaǵy almatylyq turǵyn bir kúnniń ishinde osyndaı úlken somany joǵaltyp aldy. Ol qolma-qol aqsha salynǵan sómkeni óziniń kóliginiń ishine tastap ketken. Qaskóıler osy jaǵdaıdy paıdalanyp, avtokóliktiń terezesin syndyryp, sómkeni alyp ketken. Bul týraly Almaty qalalyq PD baspasóz qyzmeti habarlady.
«Kúdiktilerdiń jeke tulǵalaryn birden anyqtadyq, olar 4 adamnan quralǵan top bolyp shyqty jáne olardy ustaý úshin birshama ýaqyt ketti. Qazirgi tańda eki negizgi aıyptalýshy ustaldy, qalǵan ekeýi – izdestirilýde. Olardy ustaý – ýaqyttyń enshisinde. Aıta ketý kerek, kúdiktiler – Shyǵys Qazaqstannyń turǵyndary. Solardyń biri – 45 jastaǵy K.esimdi azamat, Almaty oblysynyń aýmaǵynda bizdiń bólimsheniń qyzmetkerlerimen ustaldy, al, ekinshi adam – 49 jastaǵy A.esimdi azamat, qaladan shyǵyp ketýge úlgermegen, biz ony Alataý aýdanynda anyqtadyq. Qazirgi ýaqytta olar qamaýda otyr. Kúdiktilerdiń dosesinen: er adamdar bótenniń múlkin urlaǵany jáne qaraqshylyq jasaǵandary úshin qylmystyq jaýapkershilikke tartylǵan», - dep habarlady Almaty qalalyq PD Qylmystyq polısııa basqarmasynyń bastyǵy, polısııa podpolkovnıgi Esen Ysqaqov.
Basqa bireýdiń múlkin urlaý faktisi boıynsha Bastandyq aýdandyq polısııa basqarmasymen QR QK-niń 188 baby 3 tarmaǵynda kózdelgen qylmys negizinde sotqa deıingi tergeý júrgizilýde.