Úkimet otyrysynda baıandama jasaǵan Dáýren Abaevtyń aıtýynsha, 2018 jyly 20 is-sharany júzege asyrý josparlanǵan. Sol josparǵa saı jumystar tolyq oryndalyp, qarjynyń 99,8% ıgerilgen.
«Ekonomıka salalaryn sıfrlandyrý» baǵyty boıynsha otyn-energetıkalyq jáne taý-ken metallýrgııalyq keshenderinde 4.0 Indýstrııasy elementterin qoldaný arqyly:
eńbek ónimdiligi ortasha eseppen 10%-ǵa artqan, jekelegen óndiristerde elektr qýaty 33%-ǵa deıin únemdelgen, jabdyqtardy paıdalaný koeffısenti 50%-ǵa ulǵaıǵan.Paıdaly qazbalary bar 7 iri ken ornyna «Intellektýaldy ken orny» jáne «Sıfrlyq bulaq» jobalary engizilgen.
Atap aıtar bolsaq, «Embimunaıgaz» AQ ÝAZ shoǵyrynda munaı óndirýdi 773 tonnaǵa arttyrýǵa múmkindik paıda bolyp, al elektr qýaty 33%-ǵa únemdelgen.
Mınıstrdiń aıtýy boıynsha, 2019 jyly osyndaı júıe boıynsha jumys jasaıtyn nysandar sanyn 12 birlikke jetkizý josparlanǵan.
Taý-ken ónerkásibinde 102 kásiporyn «aıqyn» óndiris deńgeıine aýystyrylǵan. Bul barlyq óndiris derekterin sıfrlandyrýǵa jáne aqparattyq aǵyndy basqarýǵa jol ashady eken.
Búgingi kúni 4 joba paıdalanýǵa berilgen. Atalǵan kásiporyndarda sıfrlyq tehnologııalardy qoldaný esebinen ónimdilik 10%-ǵa artyp, eńbek shyǵyndary 30%-ǵa deıin jáne óndiristik shyǵyndar 10%-ǵa deıin tómendegen.
Esterińizge sala ketsek, «Sıfrlyq Qazaqstan» Memlekettik baǵdarlamasy negizgi 5 baǵyttan jáne 17 bastamadan jáne 120 is-sharadan turady.