Bul týraly Indýstrııa jáne ınfraqurylymdyq damý mınıstri Jeńis Qasymbek Úkimet otyrysynda aıtty.
«2018 jyly О́nerkásipti sıfrlandyrý boıynsha Mınıstrlik 7 modeldik fabrıkada aýdıtti aıaqtady jáne olardy sıfrlandyrý úshin jol kartalaryn bekitti. Ár kásiporynǵa shamamen 30 is-shara usynyldy. 2018 jyly eki modeldi fabrıkada is-sharanyń bir bóligi oıdaǵydaı engizildi. Olar: «Hımfarm» Aksıonerlik qoǵamy men «Evrazıan fýds»Aksıonerlik qoǵamy», dedi Mınıstr.
Sonymen qatar Mınıstr 2018 jyly «О́skemen tıtan-magnı kombınaty» Aksıonerlik qoǵamyna óndiris balansyn qalyptastyrý jáne esepteý júıesi engizildi. Ekonomıkalyq tıimdilik shamamen 300 mln tenge bolady, dep boljanýda ekenin aıtyp ótti. Sondaı-aq «Maker» Jaýapkershiligi shekteýli seriktestigi mashına jasaý óndirisinde taý-shahta jabdyqtaryna qyzmet kórsetý jáne kez kelgen kúrdeli metall konstrýksııalaryn óndirý boıynsha jańǵyrtý jumystary aıaqtaldy.
Mınıstr óz baıandamasynda «Aqtóbe mys kompanııasy» Jaýapkershiligi shekteýli seriktestigi baıytý fabrıkasy tolyq avtomattandyrylǵan óndiristik sıklǵa kóshý arqyly jańǵyrtylǵanyn aıtty. Joǵaryda atalǵan jobalardy eseptegende ekonomıkalyq tıimdilik 20 mıllıard teńgeden asty. Bıyl «Kazsınk» Jaýapkershiligi shekteýli seriktestiginde 3 jobany júzege asyrý josparlanyp otyr. Olar:
«Polımetall Jáırem» jobasy aıasynda joǵary avtomattandyrylǵan baıytý fabrıkasyn salý; «Jańa metallýrgııalyq balans» óndiristik derekterdiń biryńǵaı bazasyn engizýdi qarastyrady 2025 jylǵa qaraı ekonomıkalyq tıimdilik 630 mln teńgeni quraıdy.; «Taý-ken óndirisin josparlaý men bıýdjetteýdiń avtomattandyrylǵan júıesi (RPM)»; 2021 jylǵa qaraı ekonomıkalyq tıimdilik 450 mln teńgeni quraıdy.«Sonymen qatar, óńirlerdiń ónerkásip óndiristerin sıfrlandyrý jumystary júrip jatyr. Mınıstrlik pen ákimdikter birlesip orta jáne iri ónerkásip nysandaryna sıfrly tehnologııalardy engizý jónindegi jol kartasyn bekitti. 2018 jyly 47 kásiporynda sıfrlandyrý jobalary iske asyryldy. Bıyl 100-den astam kásiporyndy sıfrlandyrý jumystary belsendi túrde jalǵasatyn bolady», dedi Mınıstr óz baıandamasynda.