Úkimet otyrysynda «Báıterek» Ulttyq basqarýshy holdıngi AQ Basqarma tóraǵasy Aıdar Áriphanov «Nurly jer» memlekettik baǵdarlamasy men «respýblıkalyq bıýdjet týrly» Zańyna sáıkes, kredıttik turǵyn úı qurylysyna baǵyttalǵan qarajattyń aınalymdylyǵyn qamtamasyz etý úshin 2019 jyly Qazaqstannyń turǵyn úı qurylys jınaq bankine 28 mlrd teńge kóleminde bıýdjettik kredıt bólinetinin habarlady.
Qarajat atalmysh banktiń salymshylaryna jyldyq 5% boıynsha bastapqy jarnasy 20%-dan 25 jylǵa deıin merzimge nesıe berýge baǵyttalady. Bul qarajat esebinen halyqqa shamamen 186,7 myń sharshy metr turǵyn úıge qaryz berý josparlanǵan.
Budan basqa, «respýblıkalyq bıýdjet týraly» Zańda 2019 jyly Qazaqstannyń Damý bankine jalpy somasy 10 mlrd teńgege bıýdjettik kredıt berý kózdelgen. Qarajat jeke tulǵalarǵa elimizde jasap shyǵarylatyn jeńil avtokólik satyp alýǵa, sondaı-aq aýyl sharýashylyǵy tehnıkasyn qospaǵanda, avtokólikti jáne arnaıy maqsattaǵy avtotehnıkany lızıngtik qarjylandyrýǵa baǵyttalady.
Esterińizge sala ketsek, Turǵyn úı qurylys jınaq banki memlekettik baǵdarlamasyn bastaǵannan beri 14 378 páter satyldy. Onyń ishinde 2018 jyly 8724 páter satylǵan.