Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy ónerkásiptiń qorǵanys salalary uıymdarynyń óndiristik jáne ǵylymı-tehnıkalyq kooperasııasy týraly kelisimdi ratıfıkasııalaý týraly» zań jobasy qaraldy.
Kelisimge 2017 jylǵy 29 qarashada Mınsk qalasynda qol qoıylǵan bolatyn. Qujat qorǵanys ónerkásibi salasynda Qazaqstan men Belarýs kásiporyndary arasyndaǵy ózara is-qımyldy retteıdi.
Zań jobasy áskerı maqsattaǵy ónimdi (qarý-jaraq, áskerı tehnıka, áskerı maqsattaǵy jumystar men kórsetiletin qyzmetter, zııatkerlik qyzmet nátıjeleri jáne áskerı saladaǵy ǵylymı-tehnıkalyq aqparat), sondaı-aq qos maqsatta qoldanylatyn taýarlardy (azamattyq maqsattarda paıdalanylatyn, biraq óz erekshelikteri men qasıetterine baılanysty jappaı qyryp-joıý qarýyn jáne ózge de qarý túrlerin jasaý maqsattarynda paıdalanylýy múmkin shıkizat, jabdyq, jumystar, kórsetiletin qyzmetter) ázirleý, jasaý, jańǵyrtý jáne jóndeý; áskerı-tehnıkalyq maqsattaǵy qyzmetterdi kórsetý; óz muqtajdyqtary úshin áskerı maqsattaǵy ónimdi, sondaı-aq qos maqsatta qoldanylatyn taýarlardy jasaý, jańǵyrtý jáne jóndeý úshin qajetti ónimdi berýdi júzege asyrý máselelerin reglamentteıdi.
Kelisimniń aıasynda ónerkásiptiń qorǵanys salalary uıymdarynyń ekonomıkalyq, óndiristik jáne ǵylymı-tehnıkalyq kooperasııasy úshin beriletin ónimdi jáne áskerı-tehnıkalyq maqsattaǵy kórsetiletin qyzmetterdi kvotalaýdan jáne lısenzııalaýdan bosatý sııaqty qolaıly jaǵdaılar qamtamasyz etiletin bolady.
Kelisimde taraptardyń ýákiletti quzyrly organdary aıqyndalǵan, Kelisimniń aıasynda berilgen nemese qurylǵan zııatkerlik menshikti qorǵaýdy qamtamasyz etý jónindegi sharalar belgilengen, taraptar beretin ónimniń sapasyn baqylaý jáne ony qabyldap alý máseleleri rettelgen.
Komıtette sondaı-aq «Ujymdyq qaýipsizdik týraly shart uıymyna múshe memleketterdiń aqparattyq qaýipsizdikti qamtamasyz etý salasyndaǵy yntymaqtastyǵy týraly kelisimdi ratıfıkasııalaý týraly» zań jobasy qaraldy.
Kelisimge Ujymdyq qaýipsizdik týraly shart uıymyna múshe memleketterdiń basshylary 2017 jylǵy 30 qarashada Mınsk qalasynda qol qoıdy. Kelisimniń maqsaty UQShU-ǵa múshe memleketterdiń aqparattyq qaýipsizdigin qamtamasyz etý múddelerinde ózara is-qımyldy damytý bolyp tabylady.
Zań jobasyndaǵy erejelerge sáıkes taraptar memleketaralyq yntymaqtastyq jáne aqparattyq qaýipsizdikti qamtamasyz etý salasyndaǵy vedomstvoaralyq ózara is-qımyldy nyǵaıtý negizinde UQShU-ǵa múshe memleketterdiń aqparattyq qaýipsizdigi júıesin odan ári damytýdy qamtamasyz etedi, yntymaqtastyqtyń quqyqtyq negizderin qalyptastyrý jáne halyqaralyq quqyqtyq bazany jetildirý boıynsha birlesip kúsh jumsaıdy, sondaı-aq aqparattyq qaýipsizdik qaterlerine birlesken den qoıýdyń is júzindegi tetikterin qalyptastyrýǵa járdemdesedi.
Aqparattyq qaýipsizdikti qamtamasyz etý salasyndaǵy senimdi nyǵaıtý sharalaryn damyta otyryp taraptar ǵylymı-zertteý jumystarynyń nátıjelerimen almasýdy júzege asyrady, ǵylymı-tehnıkalyq ázirlemelerdi yntalandyrady, aqparattyq qaýipsizdikti qamtamasyz etýdiń tehnologııalyq negizderin jetildirý boıynsha kelisilgen sharalardy qabyldaıdy.
Sondaı-aq, osy Kelisimniń aıasyndaǵy yntymaqtastyq barysynda beriletin nemese jasalatyn aqparattyń qorǵalýy kózdeledi, onyń qoljetimdiligi men taratylýy taraptardyń zańnamasyna sáıkes shektelgen. Qujattar Senat qaraýyna berildi.