Gıdroponıka, akvaponıka, zymyran ǵylymy, 3D-modeldeý, úshtildilik, kadettik qozǵalys, robototehnıka jáne elektromobıl, sulýlyq ındýstrııasy men keıterıng. Elordanyń bilim berý uıymdarynda osynyń bárine úıretedi dep habarlaıdy Astana ákimdiginiń resmı saıty.
Astana qalasynyń Bilim basqarmasy oblystyq, qalalyq jáne aýdandyq bilim bólimderiniń muǵalimderine men ókilderine arnalǵan «Klasterler bilim berý uıymdarynyń ınnovasııalyq damý jetistigi» atty semınar ótkizdi.
Elimizdiń aımaqtarynan kelgen ustazdarǵa Astanadaǵy balabaqsha, mektep, kolledj jáne Balalar úıiniń tájirıbesi boıynsha bilim salasyndaǵy ınnovasııalardyń engizilýi týraly aıtyldy.
Semınardyń birinshi bóliginde qonaqtarǵa jobalyq ortalyqtardyń tárbıe jumysy, mektepke deıingi uıymdardaǵy jańalyqtar, atap aıtqanda Nurálem pavılony bazasynda ınklıýzıvti bilim berý jumysy kórsetildi.
Ekinshi bóliginde qaladaǵy bilim berý ordalaryna barý josparlandy. Mysaly, №58 mektep-gımnazııada ozyq ınnovasııalyq baǵdarlama engizilýde. Mekteptiń árbir qabaty ózindik taqyrypqa ıe. Munda ınnovasııalyq alańdar bar. Naqtyraq aıtqanda, bul robototehnıka jáne raketa modeldeý túrindegi kabınetter.
Al mekteptiń úshinshi qabatynda jasyl tehnologııalar qoıylǵan. Oqýshylar muǵalimderdiń kómegimen jasyl jelek ósirýge jaǵdaı jasaǵan.
Olar alyp jatqan bilim bolashaqta jylyjaı ashyp, osy qyzyqty ispen kásibı aınalysýǵa múmkindik beredi.
Balalar úıinde ár balanyń tárbıesine jeke qaraıdy. Balalardyń shyǵarmashylyq qabiletin damytýǵa jaqsy múmkindikter qarastyrylǵan. Munda Q-Study bilim ortalyqtary, onyń ishinde robototehnıka, stem-zerthana, horeografııa zaly, sportzal, sheberler synyby, tigin sheberhanalar kýrstary ashylǵan.
Elordalyq kolledjge jasalǵan sapar sheńberinde qonaqtarǵa stýdentterdiń dızaınerlik jumystary kórsetildi. Modelder stýdentterdiń qolynan shyqqan ulttyq kıimder, áshekeı buıymdar, shash úlgilerin kórsetti. Qonaqtar taǵam daıyndaý, IT-tehnologııalar salasyndaǵy resýrstyq ortalyqtarmen tanysty.
Innovasııalyq ádistermen oqytý balalardyń bilim alýǵa qajetti daǵdylaryn, bolashaq mamandyqty tańdaýda kómek beredi dep senimmen aıtýǵa bolady. Balabaqsha tárbıelenýshilerinen bastap stýdentterge deıin ǵylymmen, ınnovasııamen jáne til oqýmen qýana-qýana aınalysady.