L.Tolstoı atyndaǵy oblystyq ámbebap kitaphanasynda Jastar jylyna arnalyp «Qýatty eldiń jastary» degen atpen ashylǵan kitap kórmesi jyl aıaǵyna deıin jumys isteıdi. Kitap kórmesiniń negizgi bólimderi kelýshilerge Elbasy N.Nazarbaevtyń qazaqstandyq talantty jastar men jas mamandarǵa jan-jaqty qoldaý kórsetýge baǵyttalǵan saıasatynan mol aqparattar beredi. Kórmeniń ashylý saltanatyna kitaphana oqyrmandarymen qatar QR Ulttyq ulany №6697 áskerı bóliminiń sarbazdary qatysty.
Kórkem bezendirilgen, 100-ge jýyq kitap jáne merzimdi basylymdar qoıylǵan kórme kitaphanaǵa kelýshilerdiń nazaryn aýdarady.
«Bizdiń kitaphana qyzmetkerleri uıymdastyrǵan kórme Jastar jylyna arnalǵan sharalardyń bastalýy boldy dep oılaımyn. Jastar jylyna arnaǵan josparymyz bar, ol boıynsha jyl boıy jumystar atqarylady. Bul kórmeden kelýshiler Jastar jylynyń bastalýyna baılanysty barlyq qujattardy, oblysta, respýblıkada atqarylǵan jumystardy, jastar jetistikterin bilip otyratyn bolady. Sebebi, kórmeni biz materıaldarmen tolyqtyryp otyramyz» deıdi L.Tolstoı atyndaǵy oblystyq ámbebap-ǵylymı kitaphanasy ámbebap oqý zalynyń meńgerýshisi Aıgúl Mınasova.
«Qýatty eldiń jastary» kitap kórmesi jyl boıy jumys isteıdi. Kitaphana qyzmetkerleriniń aıtýynsha, kórme oqytýshylar, ǵylymı qyzmetkerler, stýdentter, sondaı-aq, jalpy elimizdegi jáne álemdegi jastarǵa qatysty ózekti máseleler, olardyń jetistikteri týraly bilgisi keletin jalpy oqyrman úshin de qyzyqty bolmaq.
Názıra JÁRIMBET,
«Egemen Qazaqstan»
Qostanaı