Juma, 8 maýsym 2012 7:38
MAŃYZY ZOR ShARA
Sara MÝRADOVA,
Ázerbaıjan Respýblıkasy Mádenıet jáne týrızm mınıstriniń keńesshisi:
Juma, 8 maýsym 2012 7:38
MAŃYZY ZOR ShARA
Sara MÝRADOVA,
Ázerbaıjan Respýblıkasy Mádenıet jáne týrızm mınıstriniń keńesshisi:
– Bizdiń eldiń Qazaqstandaǵy mádenıet kúnderiniń ótýi – baýyrlas, týystas eki eldiń ómirindegi mańyzdy oqıǵalardyń biri dep oılaımyn.
Bizdiń jumys negizi birneshe baǵytqa bólingen. Sonyń ishinde túrkitildes eldermen yntymaqtastyqty nyǵaıtý, baılanysty qalyptastyrý sııaqty mańyzdy jumystarǵa erekshe kóńil bólingen.
Ázerbaıjannyń Qazaqstandaǵy mádenıet kúnderi 10 maýsymǵa deıin sozylady. Búgin, erteń biz Astanada bolsaq, 9 maýsymda Almatyda konsert qoıamyz. Jalpy, Qazaqstanǵa biz elimizge ǵana emes, alys, jaqyn shetelderge tanymal biraz óner qaıratkerlerimizben kelip otyrmyz. Onyń ishinde Aslan Gýseınov degen estrada ánshisi bar. Ol kisi buryn Qazaqstanda turǵan. Osy jerde týyp-ósken. Keıin atamekeni Ázerbaıjanǵa kóship kelgen. Ol Qazaqstandy óziniń bes saýsaǵyndaı jaqsy biledi. Osy kisilerdi bizdiń elderdiń mádenıetin jalǵap, bir-birimizge degen ystyq yqylastarymyzben bólisetin adamdar dep sanaımyn.
NIETIMIZ BIR, TILEGIMIZ BIR
Zaır GASSYMOV,
Ázerbaıjan memlekettik bı ansambliniń dırektory:
– Bul bizdiń Qazaqstanǵa alǵash ret kelýimiz emes. Táýelsizdiktiń 20 jyly ishinde Ázerbaıjannan Qazaqstanǵa, sizderden bizdiń elge kóptegen óner ujymdary kelip, óz ónerlerin ortaǵa salyp qaıtqan. Al bul jolǵy bizdiń saparymyz Ázerbaıjannyń Qazaqstandaǵy mádenıet kúnderimen oraılasyp otyr.
Bizdiń eldiń mádenıetiniń tamyry qazaq halqynyń salt-dástúri, óneri, mádenıeti sııaqty tereńde jatyr. Oǵan myńdaǵan ǵasyrlar bolǵan. Sol mádenıetti taram-taram urpaq arqyly búgingi kúnge deıin jetkizý úlken eńbek, úlken otansúıgishtik sezimnen paıda bolǵan deımin. Osy joly biz Astana men Almatyda ánshi, bıshilerimizdiń ǵana emes, mýgamatısterdiń shyǵarmashylyǵyn da kórsetemiz. Sondaı-aq, Aslan Gýseınov degen estrada ánshimiz óz ónerin ortaǵa salsa, bıshi qyz-jigitterimiz qalyń qazaqtyń aldynda barynsha jaqsy óner kórsetedi dep senemin.
Bizdiń ansambl shetelge jıi shyǵyp turady. Jaqynda máselen, Kıevte boldyq. Ýkraına astanasy bizdi jaqsy qarsy aldy. Al konsert kezinde biz jergilikti halyqty tánti ettik dep oılaımyn. Olardyń bizdi keterimizde jaqsy shyǵaryp salǵanyna qaraǵanda, solaı deýge negiz bar.
Osy ansamblde dırektor bolǵanyma biraz ýaqyt ótti. Shetelge shyqsaq, tájirıbemen bólisemiz. óz ónerimizdi kórsetýge aıanbaımyz. Endi Qazaqstanǵa barasyzdar degende qatty qýanyp kettim. Biz nıetimiz, tilegimiz bir týys halyqtarmyz ǵoı.
ASTANA MAǴAN UNADY
Nazım NASIROV,
Ázerbaıjan memlekettik bı ansambliniń bıshisi:
– Ázerbaıjannyń Qazaqstandaǵy mádenıet kúnderiniń baǵdarlamasynda kóptegen is-sharalar josparlanǵan. Osynyń ózi bizdiń elder arasyndaǵy dostyqty, yntymaqtastyqty bildiredi. Bizdiń baǵdarlama Beıbitshilik jáne kelisim saraıynda fotokórmemen bastalsa, odan ári shyǵarmashylyq ujymdardyń qatysýymen ótetin konsertpen jalǵasady.
Bizdiń ansambl Ázerbaıjannyń ejelden kele jatqan bıleri men halyq ánderin oryndaýmen erekshelenedi. Sondyqtan bolar, ózim osy ujymnyń bir múshesi bolyp, halyqpen óz ónerimmen bólisip júrgenime rızamyn. Men bımen 15 jyldan beri aınalysamyn. Mektep bitire salysymen Baký horeografııalyq ýchılıshesine oqýǵa túskenmin. Sony oıdaǵydaı bitirip, endi, mine birneshe jyldan beri ansambldiń múshesi bolyp júrgen jaıym bar.
Bizdiń ujym shetelderge jıi shyǵady. Sońǵy ret Ýkraınada gastrolmen boldyq. Qazaqstanǵa buǵan deıin bizdiń ansambl is-saparmen bolǵan da shyǵar, biraq bul meniń Astanaǵa alǵash ret kelýim. Astana maǵan unady. Bizdiń Baký sııaqty samal jeldi qala eken. Bakýdi samal jeldi qala deıtinin biletin shyǵarsyzdar. Osyndaı tirkes Astanaǵa da jarasa ma deımin.
ALTYN KО́PIR
Výgar GÝLIEV,
Ázerbaıjan memlekettik bı ansambliniń bıshisi:
– Ǵasyrdan-ǵasyrǵa jalǵasyp, taram-taram urpaq arqyly jetken mádenıetti nasıhattaý – ata-babamyzdyń aldyndaǵy paryzymyz bolsa, óskeleń urpaq aldyndaǵy qasıetti boryshymyz.
Bizdiń memlekettik bı ansambli qurylǵan kezden beri tek halqymyzdyń baı mádenıetin, ónerin nasıhattaýmen keledi. Biz KSRO kezinde de halqymyzdyń ónerin ózge elderge nasıhattap, damytý úshin kóp jumys istegenbiz. Al táýelsizdik alǵan kezde bul jumys odan ári damı bastady. Búginde Eýropa jáne Azııa elderinde bizdiń ansambldi bilmeıtin elder joq desem bolady. Ansambldiń quramynda 50 shaqty adam bar.
Jaqynda bizge mınıstrliktegi basshylarymyz Qazaqstanǵa baramyz, Ázerbaıjannyń mádenıet kúnderi ótedi degende bárimiz de osy usynysqa qýana kelistik. О́ıtkeni, Qazaqstanda túrki halyqtarynyń mádenıetine, ónerine úlken qurmetpen qaraıtynyn bilemiz. Máselen, TÚRKSOI uıymy qazir dúnıe júzindegi túrki tektes elderdi biriktiretin úlken uıymǵa aınalyp otyr. Sondyqtan bizdiń halyqtar arasynda altyn kópir bolatyn osyndaı sharalar jıi ótkizilse, memleket basshylarymyzdyń arasynda dostyq, yntymaqtastyq qatynas nyǵaısa, bizdiń elder bir-birine demeý bolyp, qoldaý kórsetip, áli bıik belesterge jetetinine senemin.