Aıagózdiń jylý máselesi aqyry óz sheshimin tapqan sekildi. Bul týraly oblys ákimi Danıal Ahmetov Aıagózge jasaǵan jumys sapary barysynda aıtty.
Aımaq basshysynyń sózine sensek, oblystyq bıýdjetten Aıagózdiń jylý júıesine 250 mıllıon teńge qarjy bólinbek. «Menshik ıesinen satyp alyp, bý qazandyqtaryn tolyǵymen jańartamyz. Endi úsh qazandyqty da jańadan qoıamyz. Birer kúnde jumystar bastalady. Amandyq bolsa, bıylǵy 1 qyrkúıekke deıin Aıagóz qalasy jańa jylý qazandyqtarymen tolyq qamtamasyz etiledi. Sársenbi kúni arnaıy mamandar kelip, bul isti bastaıtyn bolady. Almatydan da arnaıy mamandardy shaqyrtyp otyrmyz. Biz bul máseleni tolyǵymen sheshemiz», - degen oblys ákimi óziniń Aıagóz aýdanyna bir jyldyń ishinde 6 ret kelgenin jetkizdi.
Azamat QASYM,
«Egemen Qazaqstan»