Mańǵystaý oblystyq Memlekettik kirister departamentinde óńirimizge is-saparmen kelgen Qarjy mınıstrliginiń ádep jónindegi ýákili Tólegen Tashmaǵambetovtyń qatysýymen kezdesý ótti.
Qarjy mınıstrliginiń ádep jónindegi ýákili Tólegen Jumabekuly memlekettik qyzmetshilerdiń qyzmettik ádep qaǵıdalaryn saqtaý, memlekettik organnyń áleýmettik qundylyqtary jóninde túsinik berip, memlekettik qyzmette ózara qarym qatynastyń joǵary mádenıetin qalyptastyrý men basshylardyń qaramaǵyndaǵy qyzmetshilerimen qarym-qatynas kezinde ustaný qajet mańyzdy qaǵıdalardyń birqataryn atap ótti.
Rasynda, ujymda jaıly moraldyq adamgershilik ahýaldy qalyptastyrýda basshynyń róli óte zor. Bul turǵyda basshynyń kásibı biliktiligimen qatar, onyń adamgershilik qasıetteriniń joǵary bolýy mańyzdy.
- Ujymda túsinistik pen senim atmosferasyn qalyptastyrý, sondaı-aq kásibı ádep normalaryn saqtaý bizdiń ortaq jaýapkershiligimiz, - dedi mınıstrliktiń ádep jónindegi ýákili.
Shara barysynda aýmaqtyq departament basshysy N.Almasqyzy Qarjy mınıstrliginiń ádep jónindegi ýákili T.Tashmaǵambetovke óńirdegi memlekettik qyzmetshiler men memlekettik qyzmet salasynyń jaǵdaıyn, qazirgi tańda engizilip jatqan ózgerister men jańalyqtardy, onyń ishinde Agenttikpen engizilgen «casual friday», ıaǵnı aptanyń juma kúnderi erkin kıinip kelý múmkindigi bar ekendigin, faktorly-balldyq shkala boıynsha eńbekaqy tóleýdiń jańa júıesin, onyń memlekettik qyzmet salasyna tıgizip jatqan oń áseri men qoǵamda qyzyǵýshylyqtyń artqanyn jetkizdi.
Elbasynyń «Rýhanı jańǵyrý» baǵdarlamasy aıasynda Agenttikpen bastaý alǵan «О́zgeristerdi ózińnen basta» atty jobasy boıynsha Memlekettik kirister departamentiniń ujymyn rýhanı jáne mádenı sharalarǵa atsalysyp, belsendilik tanytýǵa shaqyrǵandyǵyn, atap aıtqanda, ujymdastarmen birigip teatrǵa barý, qarttar úıi men jaǵdaıy tómen otbasylarǵa qolushyn berip, qaıyrymdylyq sharalaryna qatysý jáne taǵy basqalary ekendigin aıtty departament basshysy.
Gúlaıym ShYNTEMIRQYZY,
«Egemen Qazagstan»
Mańǵystaý oblysy