Senbi, 11 aqpan 2012 8:25
Italııa polısııasy Ekvador elshiligine jiberilgen dıplomatııalyq poshtadan 40 kılo kokaın tapty. Bul jóninde Ekvador syrtqy saıasat vedomstvosynyń basshysy Rıkardo Patıno málimdedi.
Kokaın salynǵan poshta ekvadorlyq teatr akteri Krıstıan Lýrǵa jiberilgen. Frans-press agenttiginiń habarlaýynsha, Krıstıan Lýrdy polısııa ustaǵan. Tabylǵan júkke baılanysty aktermen birge taǵy bir adam qamaýǵa alynǵan. Ekvador syrtqy ister mınıstriniń aıtýynsha, ustalǵan ekinshi adam bul eldiń azamaty emes. Poshta Ekvador astanasyna jiberilerdiń aldynda ony jergilikti esirtkige qarsy kúres basqarmasy tekserýden ótkizgen kórinedi.
Senbi, 11 aqpan 2012 8:25
Italııa polısııasy Ekvador elshiligine jiberilgen dıplomatııalyq poshtadan 40 kılo kokaın tapty. Bul jóninde Ekvador syrtqy saıasat vedomstvosynyń basshysy Rıkardo Patıno málimdedi.
Kokaın salynǵan poshta ekvadorlyq teatr akteri Krıstıan Lýrǵa jiberilgen. Frans-press agenttiginiń habarlaýynsha, Krıstıan Lýrdy polısııa ustaǵan. Tabylǵan júkke baılanysty aktermen birge taǵy bir adam qamaýǵa alynǵan. Ekvador syrtqy ister mınıstriniń aıtýynsha, ustalǵan ekinshi adam bul eldiń azamaty emes. Poshta Ekvador astanasyna jiberilerdiń aldynda ony jergilikti esirtkige qarsy kúres basqarmasy tekserýden ótkizgen kórinedi.
Burynǵy dıktator túrmege aýystyryldyReıter agenttiginiń aqparattaryna qaraǵanda, Panama eliniń burynǵy dıktatory Manýel Norega budan birneshe kún buryn júrek talmasyna ushyrady degen kúdikpen aýrýhanaǵa jatqyzylǵan. Endi ol túrmege qaıta aýystyryldy.Panamanyń densaýlyq saqtaý mınıstri Franklın Vergardyń málim etýinshe, oǵan alǵashynda ınsýlt dıagnozy qoıylǵan. Al tekserý barysynda ol anyqtalmady. 77 jastaǵy eks-dıktatordan dárigerler onyń qan qysymy joǵarylaǵanyn tapty. Burynǵy general Noreganyń densaýlyq jaǵdaıy turaqty qalypta. Onyń ómirine qater tónip turǵan joq. Ol dárigerlerdiń qatań baqylaýyna alynǵan. Noreganyń advokattary eks-dıktatordyń aýrýhanada emdelýin qalaıdy. Manýel Norega 20 jyldan astam ýaqyttan beri temir torda otyr.
Iranǵa shabýyldy keıinge qaldyrýdy ótindiMadonnanyń ızraıldik fanattary Facebook arqyly eldiń premer-mınıstri Bınıamın Netanııagýden Iranǵa qarsy áskerı operasııany ánshiniń Tel-Avıvke kelýine deıin bastamaýdy ótindi.Gaares basylymynyń jazýynsha, Izraıl áskerı operasııany ánshiniń konserti josparlanǵan 29 mamyrǵa deıin bastaıtyn bolsa, ol konsertti keıinge qaldyrýy múmkin. Birqatar BAQ-tardyń aqparattary boıynsha, jaqyn kúnderi Izraıl Irannyń ıadrolyq nysandaryna soqqy berýi yqtımal. Osy jylǵy aqpannyń basynda AQSh qorǵanys mınıstri Leon Panetta Izraıldiń Iranǵa shabýyl jasaý múmkindigi joǵary ekenin aıtqan bolatyn.
Jalpy kamerada otyratyn boldyÝkraınanyń memlekettik penıtensıarlyq qyzmeti eldiń burynǵy premer-mınıstri Iýlııa Tımoshenkonyń 9 aqpannan bastap jalpy kameraǵa aýystyrylǵandyǵyn málim etti.Eks-premer ótken jyldyń 30 jeltoqsanynda Harkov qalasynyń mańyndaǵy túrmege ákelingen bolatyn. Ol Ýkraına men Reseı arasyndaǵy jasalǵan gaz kelisimine baılanysty 7 jylǵa sottalǵan. Sonymen qatar, eks-premerge 90-shy jyldary 4,7 mıllıon grıven salyq tóleýden jaltardy degen de aıyp taǵylyp otyr.
Jańa eki atom reaktoryn saladyReıter aqparat agenttiginiń habarlaýynsha, AQSh eki atom reaktorynyń qurylysyn bastamaq. Bul joba 1978 jyly qýattalǵan kórinedi.Jańa atom reaktorlary Djordjııa shtatynda ornalasqan qazirgi kezde jumys istep turǵan «Vogtl» atom elektr stansasynda turǵyzylatyn bolady. Olardy turǵyzýǵa jalpy kólemi shamamen 14 mıllıard dollar qarjy jumsalady. Al reaktorlardy iske qosý 2016 jáne 2017 jyldarǵa josparlanǵan. AQSh-ta atom reaktorlaryn salý 1979 jyldan beri toqtatylǵan eken.
Eks-kandıdat esin jınadyOńtústik Osetııanyń prezıdenttigine burynǵy kandıdat Alla Djıoeva keshe ulyqtaý rásimin ótkizýi tıis edi. Oppozısııa basshysynyń bul áreketterine jergilikti quqyq qorǵaý organdary jol bermedi.Buqaralyq aqparat quraldarynyń taratqan aqparattaryna qaraǵanda, 9 aqpan kúni keshkisin Djıoevanyń shtabyna betperde kıgen qarýly adamdar basyp kirgen. Olar shtabtaǵy oppozısııa ókilderin soqqyǵa jyqqan. Olardyń ishinde Alla Djıoeva da bolǵan kórinedi. Taıaqqa jyǵylǵan ol esinen tanyp, aýrýhanaǵa jetkizilgen. Jergilikti dárigerlerdiń aıtýynsha, ol keshe esin jıdy. Jaraqaty qaýipti emes.
Qysqa qaıyryp aıtqanda:* Sırııanyń soltústigindegi Aleppo qalasynda birneshe qýatty jarylys boldy. Jarylys saldarynan 20-dan astam adam qaza tapty. Olardyń arasynda áskerıler men beıbit turǵyndar da bar.* Fınlıandııa qorǵanys mınıstrligi eldiń bıýdjet qarajatyn únemdeý maqsatynda qarýly kúshterdi aıtarlyqtaı qaıta qurylymdaý qajettigi týraly málimdedi. Sonda qarýly kúshter qatarynan 2200-den astam áskerı qyzmetshi qysqaratyn bolady. Bul 200 mıllıonǵa jýyq eýrony únemdeýge múmkindik beredi.* NATO-nyń Aýǵanstan aýmaǵyndaǵy Kapıs provınsııasyna áýeden soqqy berý saldarynan ondaǵan adam opat boldy. Osyǵan baılanysty Aýǵanstan Prezıdenti Hamıt Karzaı málimdeme jasady.* Rýmynııa men Nıderlandy polıseıleri kredıttik kartochkalarmen alaıaqtyq jasady degen kúdikpen 17 adamdy tutqynǵa aldy. Tergeýshilerdiń málimetteri boıynsha olar ózge azamattardyń kartochkalaryn jasap, esep-shottarynan 119 mıllıon dollardy jymqyrǵan.* Soltústik Koreıa bıligi eldiń burynǵy prezıdenti Kım Chen Irdiń qurmetine turǵyzylǵan 120 metrlik barelefti ashqandyǵyn habarlady.Internet materıaldary negizinde ázirlendi.