Bas hatshy ókinish bildirdi

Bas hatshy ókinish bildirdi

Seısenbi, 13 naýryz 2012 7:49

NATO-nyń bas hatshysy Andres Fog Rasmýssen amerıkalyq soldattyń16 beıbit aýǵandy óltirýine baılanysty óz kóńil aıtýyn bildirdi.

Ol Aýǵanstandaǵy NATO áskerleriniń bas qolbasshysy, amerıkalyq general Djon Allenge adam ólimine qatys­tylardy jaýapqa tartýda barynsha kómek kórsetýge nıetti ekenin atap kórsetti. «Talıban» ıslam qozǵaly­sy­nyń ókilderi Aýǵanstandaǵy beıbit turǵyndardyń qaza tapqany úshin ózderiniń kek qaıtaratyndaryna ýáde berip te úlgerdi. El prezıdenti Hamıd Karzaı oryn alǵan oqıǵany «qasaqana jáne oılastyrylǵan kúsh kórsetý aktisi» dep sıpattap, AQSh ókimetinen túsinik berýdi talap etip otyr.

 

Seısenbi, 13 naýryz 2012 7:49

NATO-nyń bas hatshysy Andres Fog Rasmýssen amerıkalyq soldattyń16 beıbit aýǵandy óltirýine baılanysty óz kóńil aıtýyn bildirdi.

Ol Aýǵanstandaǵy NATO áskerleriniń bas qolbasshysy, amerıkalyq general Djon Allenge adam ólimine qatys­tylardy jaýapqa tartýda barynsha kómek kórsetýge nıetti ekenin atap kórsetti. «Talıban» ıslam qozǵaly­sy­nyń ókilderi Aýǵanstandaǵy beıbit turǵyndardyń qaza tapqany úshin ózderiniń kek qaıtaratyndaryna ýáde berip te úlgerdi. El prezıdenti Hamıd Karzaı oryn alǵan oqıǵany «qasaqana jáne oılastyrylǵan kúsh kórsetý aktisi» dep sıpattap, AQSh ókimetinen túsinik berýdi talap etip otyr.

TUTYNÝShYLYQ SENIM TО́MENDEÝDE

Japonııada tutynýshylyq senim ındeksi qańtar aıyndaǵy kórsetkish­pensalystyrǵanda 0,5 pýnktke tómen­dep, 39,5 pýnktti qurady.

Japonııa úkimetiniń ekonomıkalyq jáne áleýmettik zertteýler ınstıtýty osyn­daı aqparat jarııalap otyr. Ústi­miz­degi jyldyń qańtar aıynda bul kórsetkish 40,0 pýnktti qura­ǵan bolatyn. Sarapshylar taıaýdaǵy aılarda japon ekonomıkasy tolyqtaı qalpyna kelý jolyna túsetin bolady, oǵan el bankiniń jumsaq nesıe-qarjy saıasaty qoldaý kór­se­tedi, dep esepteıdi. Ien baǵamynyń tómendeýi de japon eks­portynyń básekege qabilettiligine qolaıly jaǵdaı týǵyzbaq.

GAZA SEKTORY TAǴY BOMBALANDY

Izraıl dúısenbige qaraǵan túni Gaza sektoryna jańadan áýesoqqylaryn jasady.

Palestınalyq medıkterdiń málimetteri boıynsha, Gaza jáne Han-Iýnıs qalalaryna jasalǵan áýe soqqysy saldarynan 2 adam qaza tapqan. Sońǵy 3 kúndegi Izraıldiń áýeden jasaǵan soqqylary saldarynan Gazada qaza bolǵan palestınalyqtar sany 20-ǵa jetip otyr. Úsh táýlik ishinde Gaza aýmaǵynan Izraılge 120-dan astam zymyran atyl­ǵany da belgili boldy. Bul atystar úshin jaýapkershilikti «Islam jıhady» jáne «Qarsylyq kórsetý halyq komı­tetteri» toptary óz moıyndaryna alyp otyr.

 MERKELDIŃ AÝǴANSTANǴA SAPARY

Germanııa kansleri Angela Merkel kútpegen jer­den Aýǵanstandaǵy nemistiń áskerı bazasyna ushyp keldi.

Amerıkalyq soldattyń beıbit turǵyndardy óltirýine baı­lanysty Aýǵanstanda qalyptasqan kúrdeli ahýal saldarynan Merkeldiń sapary aıryqsha qaýipsizdik sharalarymen qamtamasyz etilýde. Merkel Qundyz provınsııasynda qyz­met­terin atqaryp júrgen nemis soldattaryna da barmaq edi. Biraq aýa raıynyń qolaısyzdyǵyna baılanysty bul sapar­dan bas tartýǵa týra keldi. Aıta ketý kerek, bul Mer­keldiń Aýǵanstandaǵy nemis áskerılerine tórtinshi ret kelýi.

ÁSKERI ARALASÝ DA JOQQA ShYǴARYLMAIDY

AQSh prezıdenti ákimshiligi Sırııa halqyna qoldaý kórsetýdiń jáne Sırııa rejimine qysym jasaý­dyń bar­lyq quraldaryn paıda­lanýǵa daıyn.

Aq úıdiń resmı ókili osylaı dep málim­degen. Amerıka taraby áskerı aralasýdy da joqqa shyǵarmaıdy, degenmen, ony júzege asyrýǵa onsha asyǵyp ta otyrǵan joq. Obama ákimshiligi eko­nomıkalyq sanksııalar Bashar Asadtyń resýrstaryn sar­qyp, rejimniń qulaýyn jedeldetedi dep úmittenip otyr. Qalaı degende de, Sırııa máselesin sheshýde halyqaralyq qoǵamdastyq ázirge ortaq bir uıǵarymǵa kele alǵan joq.

ARANDATÝDYŃ ALDYN ALMAQ

Ońtústik Koreıa armııasynyń qolbasshysy KHDR-dyń teńizde jasaýy múmkin áskerı arandatýyna qarsy qyraǵylyq pen daıyndyqty arttyrý qajettigin eskertti.

Ońtústikkoreıalyq áskerıler áskerı-teńiz bazalaryn jasyryp turǵan muzdyń erýine baılanysty KHDR áskerı-teńiz kúshteriniń óz is-qımyldarynyń belsendiligin arttyra túsetinin atap kórsetip otyr. Aldyn ala eskertý jasaýǵa 26-27 naýryzda Seýlde ótetin ıadrolyq qaýipsizdik jónindegi álemdik forým da belgili bir jaǵdaıda sebepker bolǵany anyq. El basshylyǵy osyǵan oraı Ońtústik Koreıa qaýipsizdigin baqylaýdy kúsheıte túspek nıette.

MISSIIа ORYNDALMAI QALDY

BUU men Arab memleketteri lıgasynyń arnaýly ókili Kofı Annan Sırııa basshylyǵymen kelissóz­der kezinde naqtyly nátıjelerge qol jetkize alma­ǵanyn moıyndady.

Sonymen birge ol Damaskige kelesi joly kelgende bılik pen oppozısııany tatýlastyra alatynyna senim bildirdi. Kofı Annannyń aıtýynsha, qandaı da bir nátıjege qol jetkizý múmkin bolýy úshin Damaskide uzaǵyraq bolǵan oryndy edi. Sondaı-aq ol kimmen bolmasyn kezdeskende, áńgimeniń tek beıbitshilik týraly ǵana bolǵanyn, beıbit ómirdiń barsha úshin de qajet ekenin atap kórsetken.

ShIITTER NARAZYLYQ BILDIRÝDE

Bahreınde birneshe kúnnen beri myń­daǵan adamdar qatysqan nara­zy­lyq aksııalary jalǵasýda.

Koroldiktegi tolqýlardyń búkil óńir úshin aýyr zardaptar ákelýi múmkin. Mı­tıngige shyqqandardyń negizgi bóligin shııtter quraıdy, olar eldi azshylyq­taǵy sýnıt­ter­diń bıleýine shekteý qoıýdy talap etýde. Bahreın polısııasy úkimetke qarsy ereýildi taratý úshin kózden jas shyǵaratyn gaz qoldanýda. Koroldik bılik bolsa ahýal 45 adamnyń qaza tabýyna aparyp soqtyrǵan ótken jylǵy oqıǵadaı baqylaýdan shyǵyp kete me degen alańdaýshylyq bildirýde. Sóz oraıynda, shııtterdi Irannyń qoldaıtynyn, al Korol otbasynyń Saýd Arabııasy men AQSh-qa arqa súıeıtinin aıta ketý qajet.

Internet materıaldary negizinde ázirlendi.