Sharaına

Beısenbi, 26 sáýir 2012 7:03

IаDROLYQ QATER BARLYǴYN MOIYNDADY

Reseı Federasııasynyń bas shtaby Iran men KHDR tarapynan ıadrolyq qater bar ekenin moıyndap otyr. Bul týraly bas shtab bastyǵy Nıkolaı Makarovtyń málim­demesine silteme jasaı otyryp, Reseıdiń «Jańalyqtar» aqparat agenttigi habarlady.

Beısenbi, 26 sáýir 2012 7:03

IаDROLYQ QATER BARLYǴYN MOIYNDADY

Reseı Federasııasynyń bas shtaby Iran men KHDR tarapynan ıadrolyq qater bar ekenin moıyndap otyr. Bul týraly bas shtab bastyǵy Nıkolaı Makarovtyń málim­demesine silteme jasaı otyryp, Reseıdiń «Jańalyqtar» aqparat agenttigi habarlady.

Qater árqashanda bar, sondyqtan biz kóptegen elderdiń ıadrolyq áleýetin damytýyn muqııat nazarda ustap kelemiz, degen kórinedi osy oraıda N.Makarov. Onyń aıtýynsha, Reseı atalǵan baǵyttaǵy qaterlerge qarsy turý máselelerinde basqa memlekettermen yntymaqtastyqqa árqashan daıyn. О́ıtkeni, ózderinde ıadrolyq qarýy joq dep ant-sý iship otyrǵan kóptegen elderde ondaı qarý bar.

SÝDANDAǴY JANJALǴA QYTAI ARALASTY

QHR tóraǵasy Hý Szıntao Sýdan men Ońtústik Sýdandy eki jaqty janjaldy sheshýde tózimdilik tanytyp, kúsh qoldanýdan bas tartýǵa shaqyrdy. Osylaısha Qytaı basshysy Ońtústik Sýdan prezıdenti Salva Kıırdiń sol­tús­tiktegi kórshilerimiz bizge soǵys jarııalady degen sózine salqynqandylyq tanytqan utymdy degen ustanymyn bildirdi. 

Qytaı tóraǵasy men Ońtústik Sýdan prezıdenti Beıjiń qalasynda kezdesken bolatyn. S.Kıır munda alty kúndik saparmen kelgen edi. Hý Szıntao sondaı-aq talas týdyryp otyrǵan máselelerdi kelissózder jáne ózara jol berýler negizinde sheshý qajet ekenin atap kórsetti. Qazirgi tańdaǵy basty mindet – qarýly qaqtyǵysty toqtatý, dep málimdedi Qytaı tóraǵasy.

PREZIDENTTIKKE TÚSÝGE TYIYM SALDY

Egıpettiń ortalyq saılaý komıssııasy burynǵy úkimet basshysy Ahmed Shafıktiń prezıdenttik saılaýǵa qatysýyna tyıym saldy. Bul tyıym Egıpettiń joǵary áskerı keńesi bir kún buryn Hosnı Múbáraktiń rejimindegi joǵary shendi barlyq qaıratkerlerge qatysty zańnamaǵa túzetýdi bekitkennen keıin júzege asty.

A.Shafık H.Múbárak el basqarǵan ýaqytta armııada birqatar joǵary laýazymdar ıelengen bolatyn. Sondaı-aq azamattyq avıasııa mınıstrligin basqaryp, premer-mınıstr oryntaǵyna da otyryp úlgergen edi. Mysyr prezıdenttigine kandıdattardyń naqty tizimin OSK sáýir aıynyń aıaǵynda jarııa etýi tıis. Al prezıdenttik saılaýdyń alǵashqy týry 23-24 mamyrǵa belgilengen. Eger ekinshi týr qajet bolsa, ol 16-17 maýsymda ótetin bolady.

ULTShYLDARMEN YNTYMAQTASPAIDY

Fransııa prezıdenti Nıkolıa Sarkozı Marın Le Pen partııasyndaǵy ultshyl­darmen yntymaqtastyqtan bas tartatynyn málimdedi. N.Sarkozıdiń aıtýynsha, prezıdenttikke qaıta saılanǵan jaǵdaıda, Le Penmen eshqandaı kelisimge barmaıdy jáne «Ulttyq maıdan» múshe­lerin úkimetke shaqyrmaıdy.

Biraq qazirgi prezıdent Le Pendi prezıdenttik saılaýdyń birinshi týrynda qoldaǵandarmen kezdesetinin, olardyń oı-pikirlerine qulaq túretinin málimdedi. О́ıtkeni, ózine ekinshi týrda prezıdent oryntaǵyna qaıta otyrý úshin saılaý­shylardyń daýysy kerek. Sarkozı sondaı-aq óziniń basty qarsylasy Ollandtyń  Le Pendi qoldaǵandar qatelesti degen pikirimen kelispeıtinin atap kórsetti.

KOROL OTBASYNA SENÝDEN QALDY

Shvedterdiń korol otbasyna senimi rekordtyq tómengi deńgeıge quldyrap ketken. Bul týraly áleýmettik zertteý ortalyǵynyń málimetterine silteme jasaı otyryp, jergilikti TT aqparat agenttigi jarııa etti. Suraý salýlar 2011 jyldyń kúzinde júrgizilse kerek. Al onyń qorytyndysy endi ǵana shyǵarylyp otyr.

Sońǵy áleýmettik derekterge sáıkes, shvedterdiń 30 paıyzy korol otbasyna senbeıtinin málimdese, suraý salynǵan­dardyń tek 34 paıyzy ǵana qoldaıtyndaryn bildirgen. Buǵan qosa, respondentterdiń 20 paıyzy eldi monarhııadan respýb­lıkaǵa qurylymdaý júrgizilse, sol baǵytty qoldaıtyn­dyqtaryn aıtqan. Jańa konstıtýsııaǵa sáıkes, 1976 jyly korol saıası bılikten aıyrylǵan tusta, respýblıkalyq qurylysty shvedterdiń tek 9 paıyzy ǵana qoldaǵan eken.

QYMBAT… JOQ, QARAPAIYM SAǴAT TAǴADY

Ázerbaıjan prezıdenti Ilham Alıev qolyna quny 800 myń dollar turatyn Blancpain 1735 úlgisindegi saǵat taǵyp júr degen aqparat taratqan «Azadlyg» («Azat­tyq») gazetine prezıdenttiń baspasóz qyzmeti sotqa beremiz dep qoqan-loqy jasaǵan. Mundaı mazmundaǵy materıal 24 sáýirde jaryqqa shyqsa kerek.

Prezıdenttiń baspasóz qyzmetindegilerdiń aıtýynsha, bul aqparattyń shyndyqqa úsh qaınasa sorpasy qosylmaıdy, prezıdent Ilham Alıev qymbat emes qarapaıym metall saǵat taǵady. Ázerbaıjan basshysy qarapaıymdylyǵymen erekshe­lenedi degendi de qosyp qoıǵan baspasóz qyzmetindegiler. Endi gazetten prezıdentten keshirim surap, úsh kún ishinde alǵashqy jarııalanymdy joqqa shyǵaratyn aqpar berý talap etilip otyr. Basylym bolsa, aqparattyń naqty ekenin kóldeneń tartady.

Qysqa qaıyryp aıtqanda:

Aýǵanstan basshylyǵy amerıkalyq kongressmen Dan Rorabaherdi óz eline kirgizbeı tastady. Kongressmenge qatysty qarsy reaksııaǵa onyń Aýǵanstandaǵy ishki saıası úderisterge joǵary qyzyǵýshylyq tanytýy sebep bolǵan sekildi.

Ýkraına mádenıet mınıstrligi el aýmaǵynda Reseıdiń «Aq gvardııa» teleserıalyn kórsetýge tyıym salýdy usyndy. Mınıstrliktiń pikirinshe, fılm ult arazdyǵyn týǵyzyp, M.Býlgakov romanynyń mazmunyn burmalaıdy, ýkraındardy nadan, qatal jáne shovınıst retinde kórsetedi.

Aýǵanstanda taǵy bir áskerı qyzmetshi qaza tapty. Ol Grýzııa kontıngentiniń jaýyngeri bolyp tabylady. Serjant Valerıan Hýdjadze Gelmend provınsııasynda mınaǵa túsken. Sóıtip, grýzınder Aýǵanstanda óziniń 16-shy sarbazyn joǵaltyp otyr.

Internet materıaldary negizinde ázirlendi.