Seısenbi, 26 maýsym 2012 7:51
О́tken jeksenbi kúni Egıpettiń ortalyq saılaý komıssııasy eldegi saılaýdyń ekinshi týrynda saılaýshylardyń 52 paıyzdan astamy daýysyn bergen Mohammed Mýrsıdiń jeńiske jetkenin habarlady. Al onyń qarsylasy, burynǵy premer-mınıstr Ahmed Shafık 48 paıyz daýys aldy. Saılaýshylardyń saılaý ýchaskelerine kelý kórsetkishi 51,8 paıyzdy qurady. El úshin taǵdyrsheshti kezeńde saılaý ýchaskelerine daýys berýshilerdiń jartysynan sál astamy ǵana kelýi osynshama ýaqytqa sozylǵan daǵdarysty kezeń kópshilikke sonshalyqty áser ete qoımaǵandaı kórinedi.
Seısenbi, 26 maýsym 2012 7:51
О́tken jeksenbi kúni Egıpettiń ortalyq saılaý komıssııasy eldegi saılaýdyń ekinshi týrynda saılaýshylardyń 52 paıyzdan astamy daýysyn bergen Mohammed Mýrsıdiń jeńiske jetkenin habarlady. Al onyń qarsylasy, burynǵy premer-mınıstr Ahmed Shafık 48 paıyz daýys aldy. Saılaýshylardyń saılaý ýchaskelerine kelý kórsetkishi 51,8 paıyzdy qurady. El úshin taǵdyrsheshti kezeńde saılaý ýchaskelerine daýys berýshilerdiń jartysynan sál astamy ǵana kelýi osynshama ýaqytqa sozylǵan daǵdarysty kezeń kópshilikke sonshalyqty áser ete qoımaǵandaı kórinedi.
Egıpettiń jańa prezıdenti saılanǵannan keıingi sóılegen óziniń alǵashqy sózinde búkil mysyrlyqtardyń prezıdenti bolatynyn málimdedi. Sondaı-aq ol óz eliniń buǵan deıin qabyldaǵan halyqaralyq kelisimderinen bas tartpaıtynyn atap kórsetti. Sonymen qatar, otandastaryn ulttyq birlikti nyǵaıtýǵa shaqyryp, qalyptasqan kúrdeli jaǵdaıdan osy birliktiń ǵana kómegimen shyǵýǵa bolatynyn jetkizdi.
Mýrsı saılaýǵa «Musylman baýyrlar» qozǵalysynan jáne saılaýǵa ilgeriletilgen ıslamdyq Bostandyq jáne ádilettilik partııasynan túsken bolatyn. Atalǵan partııa «Musylman baýyrlar» qozǵalysynyń saıası qanaty bolyp sanalady.
Islamıster Mýrsıdiń jeńisin qýana qabyldady. Gaza sektorynyń kóshelerinde turǵyndar aspanǵa oq atyp, ótken-ketkenge kámpıtter taratty. Palestınanyń HAMAS qozǵalysynyń ókilderi mysyrlyqtar prezıdentti tek ózderine ǵana emes, sondaı-aq arab jáne ıslam halyqtaryna saılaǵanyn jarııa etti. Iran syrtqy ister mınıstrligi óziniń resmı málimdemesinde «Mysyr halqynyń revolıýsııalyq qozǵalysy Taıaý Shyǵys pen Islamdy uıqydan oıatý jańa dáýiri damýynyń sońǵy kezeńinde turǵanyn» atap ótti.
Osy aralyqta basqa Taıaý Shyǵys memleketteri men Batys Mýrsıdiń prezıdent bolyp saılanýyna ustamdy kózqaras tanytty. Máselen, Saýd Arabııasynyń bıligi ıslamıst-úmitkerdiń jeńisine eshqandaı túsinik bermese, Birikken Arab Ámirlikteri Mysyr halqynyń tańdaýyna qurmetpen qaraıtyndaryn málimdeýmen ǵana shekteldi.
AQSh Egıpettiń jańa prezıdentin jańa úkimet jasaqtaýda barlyq partııalarmen jáne qoǵamdyq qozǵalystarmen kúsh biriktire jumys isteýge shaqyryp, eldiń dúnıe júzi men óńirdegi salmaqty rólin saqtap qalýǵa shaqyrdy. Ulybrıtanııa syrtqy ister mınıstrligi jańa úkimetti Egıpet qoǵamynyń jekelegen toptary arasynda tyǵyz baılanys ornatyp, adam quqyǵyn saqtaýdy qamtamasyz etýge shaqyrdy. Eýroodaqtyń basqa memleketteriniń úni de osyǵan uqsas shyqty.
Túrkııa jańa prezıdentke onyń aldynda aıtarlyqtaı synaqtar kútip tur dep eskertse, Izraıl Mýrsıdiń jeńisine qurmetpen qaraıtynyn atap kórsetip, ony Egıpettiń taǵynan taıdyrylǵan prezıdenti Hosnı Múbárak 33 jyl boıy saqtap kelgen beıbit ýaǵdalastyqtardan bas tartpaýǵa shaqyrdy.